Home Policial Barco di Marina Hulandes Zr.Ms. Groningen a intercepta 330 kilo di cocaina

Barco di Marina Hulandes Zr.Ms. Groningen a intercepta 330 kilo di cocaina

451
0
SHARE
- Advertisement -

Patruya pa area di Caribe a para un boto ‘go-fast’

ORANJESTAD (AAN): Barco di Marina Hulandes Zr.Ms. Groningen den oranan tempran di mainta dia 19 di October a intercepta un transporte di droga. Na parti West di Aruba e barco di patruya pa area di Caribe a logra di para un asina yama boto ‘go-fast’.

E boto di alto velocidad aki a keda descubri pa un Dash-8,  un avion di patruya maritimo di Warda Costa di Region Caribe. E ‘go-fast’ tabata bayendo riba un ruta conoci pa contrabando y pa motibo aki a activa Groningen. Cu e barco rapido di intercepcion, FRISC, cu abordo tin un ekipo combina di US Coast Guard/Warda Costa Mericano, cu a embarca Groningen hunto cu Cuerpo di Marina, e ‘go fast’ a wordo alcansa.

E sospechosonan y e contrabando a wordo entrega na e barco Mericano di Warda Costa, Charles David Junior pa asina persecucion tuma lugar na Merca. A confisca un total di  330 kilo di droga.

Zr.Ms. Groningen for di April 2019 ta activo den region Caribe como barco di patruya y ta intercambia durante operacionnan anti-droga cu apoyo di Warda Costa den region Caribe.

 

- Advertisement -

DUNA COMENTARIO

Please enter your comment!
Please enter your name here