Home Enseñanza Aruba ta sede di e Conferencia di Scolnan Catolico di e Diocesis...

Aruba ta sede di e Conferencia di Scolnan Catolico di e Diocesis di Willemstad

26
0
SHARE
- Advertisement -

Minister Rudy Lampe a splica:

ORANJESTAD (AAN) – Minister di Enseñanza, Ciencia y Tecnologia y Desaroyo Sostenible, sr. Rudy Lampe, tabata na encargo di e conferencia di prensa di Gobierno, Diahuebs 7 di November awo.

Como prome punto di agenda, e mandatario a referi na un Conferencia di Scolnan Catolico di e Diocesis di Willemstad, di cual Aruba ta anfitrion.

Minister Lampe a menciona cu e tabata tin e honor di, den presencia di Monsignor Secco, splica cu Gabinete Weve-Croes ta apoyando e educacion catolico na Aruba, loke por ta un ehemplo tambe pa otro islanan.

E mandatario a menciona cu a uza fondonan di “stimuleringsfonds” pa un curso di formacion teologico di maestronan di scolnan catolico, pa asina aki den futuro, despues di un aña y mey di formacion, nan por bira maestronan di Religion Cristian Catolico, den scolnan catolico nivel primario.

E mandatario a bisa cu esaki ta un innovacion, un cambio grandi den Aruba su sistema di enseñanza, pasobra gobierno kier promove enberdad e valornan Cristian.

“ Tur ser humano, independiente di cual religion e ta, e Diez Mandamentonan di no horta, no gaña, respet bo mayornan, etc., ta conta pa tur hende y ta importante pa inculca esaki den nos muchanan”, Minister Lampe a expresa.

Minister Lampe a comenta cu su mensahe, Diahuebs, na e directivanan di scol catolico di e diferente islanan, tabata cu awendia e muchanan no ta bay scol pa siña lesa y skirbi so, sino cu nan ta bay scol pa wordo forma como hende, cu valornan humano, cu valornan Cristian, y esaki ta e habilidadnan cu mester duna un hoben pa e por haya un miho futuro.

E mandatario a bisa cu e ta contento cu SKOA, cu ta e anfitrion di e conferencia aki, pa asina por duna e mensahe na e otro islanan di Caribe Hulandes, cu gobierno di Aruba ta compromete pa enberdad e formacion di valornan humano Cristian, ta presente den nos scolnan.

 

- Advertisement -

DUNA COMENTARIO

Please enter your comment!
Please enter your name here