Home General Sindicato STA a propone ATA pa sinta dia 8 di October pa...

Sindicato STA a propone ATA pa sinta dia 8 di October pa conclui CAO

14
0
SHARE
- Advertisement -

STA no ta contento cu actitud di Director di ATA:

ORANJESTAD (AAN) – Diego de Cuba, presidente di Sindicato di Trahadornan di Aruba (STA) tin entendi cu despues di e accion cu e trahadornan a tuma dia 27 di September ultimo, e Director di ATA Ronella Tjin Asjoe-Croes a yama un reunion cu e empleadonan pa splica nan un ke otro.

De Cuba a menciona den entrevista cu DIARIO, cu locual sra. Tjin Asjoe-Croes ta haciendo, relaciona cu e Contrato Colectivo, ta algo completamente eroneo.

El a comenta cu e directora tin cu compronde cu Sindicato STA ta esun cu ta negociando e CAO na mesa y cu su persona no tin nada di bay negocia, individualmente, cu e trahadornan di ATA.

“Kiermen, den nos concepto e ta completamente fout bezig, y esaki ta causa division y frustracion bao di e empleadonan.

“ Locual cu e mester haci ta, abstene di e practicanan aki. Mi no ta kite di papia cu su trahadornan pa loke ta trata trabaonan diario, of cambionan cu lo bin den e compania, pero cosnan cu ta regarda e CAO e tin cu atende directamente cu e sindicato STA, y no bay trata di mal influencia e trahadornan”, Diego de Cuba a remarca.

E lider sindical a agrega cu esaki ta un practica cu STA ta condena severamente, pasobra esaki no ta yuda na finaliza e contrato colectivo.

El a agrega cu aunke e relacion di STA cu ATA no ta malo, e actitud aki por crea confrontacion innecesario locual por evita si sigui e reglanan di e wega, y semper e sindicato ta boga pa firma un protocol prome cu negocia un CAO.

Diego de Cuba a señala cu ATA semper a nenga di firma un protocol pa mantene su mes na e reglanan di wega.

El a reitera cu STA a reuni cu e trahadornan Dialuna ultimo, dia 30 di September, y durante e reunion aki nan a papia cu e miembronan unda e ultimo proposicion cu STA a manda 18 di September, a keda modifica.

STA a manda un carta e siman aki pa gerencia di ATA cu e ultimo proposicion di e sindicato, y a sugeri pa nan sinta bek otro siman dia 8 di October, Dios mediante, pa nan por termina cu e CAO aki.

“Mi ta spera cu esey ta bay ta e caso, pasobra e ultimo concepto cu nos a manda, ta a base di decision di e propio miembronan di STA, y a base di votacion tambe cu a tuma lugar dia 30 di September ultimo”, Diego de Cuba a señala.

El a agrega cu STA a manda carta pa Minister Dangui Oduber como Minister di Turismo, tambe pa Minister di Labor y pa e Mediador cu ta sinta hunto cu STA den e negociacion.

- Advertisement -

DUNA COMENTARIO

Please enter your comment!
Please enter your name here