Home Gobierno Renobacion y embeyecimento rond di Misa Oranjestad ta continua den su di...

Renobacion y embeyecimento rond di Misa Oranjestad ta continua den su di dos fase

182
0
SHARE
- Advertisement -

Infrastructura pa parada di bus dilanti misa di playa lo wordo mehora

ORANJESTAD (AAN):  Diamars mainta trempan Minister Otmar Oduber acompaña pa director di DOW sr. Marlon Croes a duna splicacion di e proyecto di renobacion di misa Oranjestad cual su prome fase a encera embeyecimento rond di e misa.

E Segundo fase di renobacion di Misa Oranjestad ta encera mehoracion di e infrastructura di e parkinglot dilanti di e misa pa crea mas eficiencia den e trafico y mihor sitio pa e autobusnan staciona.

Ademas lo percura pa crea un parada di bus cu dak y espacio pa sinta pa personanan por warda pa bus den un ambiente mas comodo y agradabel. Tur esaki den cuadro di eleva e calidad di bida di nos hendenan

Siman pasa e misa San Francisco a celebra su 100 aña akinan na Aruba, pa cual ta felicita Pastor y comunidad pa esey. Pa locual ta e trabaonan infrastructural cu ta tumando luga conhuntamente cu DOW.

Mas o menos dos luna pasa, trabaonan a cuminsa rond di e Cathedral San Francisco como parti di elevacion di calidad di bida di hende. Mientras cu ta terminando e prome fase, Minister Oduber a anuncia e inicio di e segundo fase cu ta encera e desaroyo di e parkinglot otro banda di caminda di e misa caminda cu autobusnan ta para.

Pa prepara esaki mihor pa e autobusnan por parkeer. Tambe lo percura pa tin espacio cu dak pa esnan cu ta warda bus tambe por sinta mas comodo. Despues lo inicia cu e planificacion di embeyecimento di tur e adernan di caminda cu ta conecta na centro di ciudad. Tur esaki den cuadro di eleva e calidad di bida di nos hendenan.

Minister Oduber a splica tambe di otro trabaonan tumando luga, manera e misa na Santa Cruz cu a wordo drecha, Misa na Paradera cual ya a inicia cu un destaho y ta calcula cu pa otro siman e trabaonan lo inicia cu ta encera e embeyecimento y mehoracion di e infrastructura tur rond di e misa y e parkinglot pa crea mas eficiencia den e trafico.

Ademas, e intencion ta tambe pa inicia cu trabaonan pronto na Misa Santa Teresita na San Nicolas. Pa conclui, Minister Oduber a splica cu ta spera cu prome cu fin di aña e trabaonan aki ta finalisa.

- Advertisement -

DUNA COMENTARIO

Please enter your comment!
Please enter your name here