Home General Preso cu ta Ex-Parlamentario a huy na forma espectacular na Colombia

Preso cu ta Ex-Parlamentario a huy na forma espectacular na Colombia

121
0
SHARE
- Advertisement -

ORANJESTAD (AAN): E tabata un information masha grandi mes den siman tras di lomba, ora cu un detenido hopi famoso, a logra di huy ora cu el a bay na clinica di Dentista na Colombia.

E detenido ta e famoso ex-Parlamentaria Aída Merlano.  E ta sintando un castigo di 15 aña den prison.  Pero awor el a logra huy na forma espectacular.

E tabatin programa pa bishita Dentista, y e ta haci esey cu escolta.  Pero algo a bay robez, y el a logra huy.

Durante su bishita na Dentista, Aida a mara un cabuya color cora na pia di un cashi den camber den cual pacientnan ta wordo atendi. Despues el a benta e cabuya for di bentana y a logra baha cu e cabuya te ora su pia a yega tera. Eynan un complice, bisti den uniform di waiter di restaurant, tabata sperando riba dje cu brommer.  Security Camera tin imagen capta, con e preso ex-Parlamentario a subi brommer pa e manehador somenta rapidez for di e lugar.

Aída Merlano di 43 aña di edad, na 2018 a wordo eligi pa Parlamento pero parce despues di e investigacion a haya sa cu el a comete fraude relaciona cu cumpramento di voto.

Durante di investigacion haci door di autoridad, a bin descubri na cas di e Parlamentario miyones di peso Colombiano mas arma di candela y pa cual tambe Aída Merlano ta sera tras di bara di hero pa sinta castigo di 15 aña.

Pero awor e ta liber y parce e ta bon scondi.

 

- Advertisement -

DUNA COMENTARIO

Please enter your comment!
Please enter your name here