Ni Gobierno Eman sa cuanto placa el a gasta

    163
    0
    SHARE
    - Advertisement -

    Bista final dificil cu mal administracion y falta documentacion

    *Reino na haltura cu Aruba ta den calamidad historico

    *Eman a laga un puzzel financiero atras pa Aruba

    ORANJESTAD  (AAN) — “Gobierno di Reino ta na haltura cu Aruba ta den un calamidad financiero. E debe cu Aruba a hereda mescos cu e situacion economico tin un rabo financiero desconoci den Reino te awor. Gobierno Mike Eman a deshaci di tur norma di gobernacion responsabel y duradero. Loke ta duradero pa Aruba ta, e calamidad financiero cu Aruba mester soluciona y pa cual ainda no tin un saldo.”

    Esaki ta informacionnan clave cu DIARIO a ricibi na final di e fin di siman tras di lomba ora Aruba a reuni cu representantenan di Reino riba e forma cu mester atende cu e situacion financiero di Aruba.

    “Aruba no por papia di un final di paga debe ainda. Aruba mester cuminsa un caminda cu paga loke a bandona caha di Aruba na forma descabeya. Gobierno por traha un plan pero no por bisa cuanto aña exactamente pueblo mester paga pa e debe,” informantenan a bisa.

    E forma cu gobierno Mike Eman a mara Aruba na debe, no tabata transparente.

    Informantenan di DIARIO ta basa nan mes riba documentonan oficial di autoridad financiero di Aruba, cu mester duna un bista riba gastonan cu ainda e pais por spera, pero no tin e instrumentonan pa bisa exactamente kico ta bay pasa.

    “E forma cu gobierno anterior a atende cu placa di Aruba no ta normal. No por papia di planificacion. No tabata tin planificacion. No tabata tin administracion debido. No tabata tin control con ta gasta placa pasobra e mayoria di AVP den Parlamento tabata laga gobierno Mike Eman haci y deshaci manera e tabata kier,” a mustra DIARIO.

    Segun informantenan clave di DIARIO, cu te awor a pone prueba riba mesa pa loke e ta papia, Reino Hulandes ta bon na haltura cu loke a pasa na Aruba  y e maneho financiero cu gobierno anterior a hiba sin misericordia.

    “Gobierno Hulandes tambe conoce e cifranan pa asina e por duna guia. Ora ta papia di instruccion di Hulanda ta pasobra Reino Hulandes ta consciente cu no ta normal mas loke a pasa cu Aruba,” informantenan a splica.

    “Tur dia e situacion financiero di Aruba ta wordo afecta pa decisionnan di gobierno Eman ainda. Gobierno ta continuidad no solamente cu sindicatonan pero den tur su accionnan,” a wordo mustra.

    “Kico e proyecto hospital lo bira en total pa Aruba? Kico tur e proyectonan grandi lo duna como resultado na final? Te awor tin preguntanan financiero habri pasobra no tabata tin bon administracion di fondonan di pueblo. Ta un puzzel financiero gobierno Mike Eman a laga atras pa Aruba. Un calamidad total,” a wordo mustra na DIARIO.

    Aruba ta rehen di e debenan di gobierno, ta e mensahe mas importante cu DIARIO a ricibi y pa cual e tin prueba pisa.

    Pruebanan cu ta indica falta serio di documentacion financiero pa por haya un bista realistico di loke a pasa cu placa di pueblo durante ocho aña.

    Gobierno actual a mustra Hulanda riba su diligencia pa trece cambio economico cu asina mester aumenta entrada di e pais. Di e otro banda Gobierno mester tene cuenta cu e falta di bon administracion den cual falta di documentacion ta resalta loke ta haci dificil pa bisa cuanto tempo Aruba lo biba cu e resultado di gobernacion di Mike Eman.

     

    - Advertisement -

    DUNA COMENTARIO

    Please enter your comment!
    Please enter your name here