Home Turismo y Hoteleria Mariel Willems y Michelle Fitz Verploegh a bira ganadornan di e prome...

Mariel Willems y Michelle Fitz Verploegh a bira ganadornan di e prome “Aviation Cake Baking Competition”

57
0
SHARE
- Advertisement -

ORANJESTAD (AAN): Aruba Airport Authority N.V. (AAA) cu ayudo di EPI Sector Hospitalidad y Turismo a organisa e prome “Aviation Cake Baking Competition” cu a tuma lugar Diadomingo 13 di Oktober, 2019.

Un total di 10 team consistiendo di 2 studiante di EPI cada un, a competi y forma parti di un “Aviation Cake Bake-off” pa bira e team ganador di un set di ekipo di cushina completamente nobo.

E prome parti di e competencia a tuma lugar Diasabra 12 di October ora cu cada team tabatin maximo 2 ora pa asina traha nan bolonan pa e competencia oficial cu a tuma lugar e siguiente dia. Riba e pagina di Facebook di Aeropuerto tur fanatico por a sigui e competencia cu a wordo transmiti en bibo for di 10’or di mainta, te cu e culminación di e competencia cu tabata 8’or di anochi.

Diadomingo e 10 teamnan a wordo oficialmente introduci y cada un a wordo asigna na nan “station” den e cushina di EPI H&T pa asina start e competencia pa 10’or di mainta. E teamnan a ricibi 5 ora pa corta y forma nan bolo y prepara y crea nan decoracionnan.

Pa exactamente 3’or di atardi e tempo pa decora a caba y tur bolo a wordo transporta pa Aeropuerto di Aruba su US Check-in Building unda e competencia principal a tuma lugar.

Durante e transmision en bibo via e Facebook page “Aruba Airport” cada team tabatin 2 minuut pa presenta nan bolo na e huradonan cu tabata consisti di profesionalnan den e mundo baking y tambe personanan di e industria di aviacion y turismo. Tur hurado a purba e bolonan y tambe duna nan puntuahe pa e creatividad, apariencia general di e bolo, textura y e sabor mes.

Na final di e competencia, e top 3 teamnan a wordo yama dilanti pa despues anuncia e team ganador. E Bronze Whisk Winner (3er lugar) a bai pa Jahrmael & Requelle de Weever, Team Champions. E Silver Whisk Winner (2do lugar) a bai pa Aneudy Liriano & Garrick Tromp, Team Dushi Gateway y e Gold Whisk Winner (1er lugar) a bay pa Mariel Willems & Michelle Fitz Verploegh, Team Pixies.

AAA ta felicita tur 20 studiante cu a participa na e prome “Aviation Cake Baking Competition” y kier a duna un palabra di gradicimiento na e team dinamico di EPI Sector Hospitalidad y Turismo y tur e voluntarionan cu a yuda durante e etapa di preparacion y 2 dianan di e competencia pa asina haci e evento exitoso.

- Advertisement -

DUNA COMENTARIO

Please enter your comment!
Please enter your name here