Home Gobierno “Immerse Aruba Innovation Week” di 28 di October pa 1 di November

“Immerse Aruba Innovation Week” di 28 di October pa 1 di November

50
0
SHARE
- Advertisement -

Minister Presidente ta invita comunidad:

ORANJESTAD (AAN)—Gobierno ta bay dedica henter un siman na innovacion, cuminzando dia 28 di October te dia 1 di November. E siman aki lo hiba e nomber di “Immerse Aruba Innovation Week”.

Asina Minister Presidente Evelyn Wever-Croes a informa den conferencia di prensa y a pone enfasis cu esaki no ta un siman di innovacion di gobierno, sino un siman di innovacion di Aruba, y e ta dedica na e proyectonan cu ta andando caba.

“No ta gobierno ta organiza e siman aki pero diferente organizacion cu, casualmente, durante e siman aki a scoge pa bin cu proyectonan innovativo, conferencianan riba innovacion, tayernan di trabao, y nan ta bin hunto pa coordina e eventonan aki y asina traha un programa nacional”, Premier Wever-Croes a indica.

E dignatario a agrega cu esaki ta bira manera un calender den henter e siman y Fundacion Futura ta encarga di coordina y publica e eventonan cu tin, pa ningun hende perde e chens di participa.

Minister Presidente a haci un invitacion publico na sector priva, gubernamental, NGO’s, studiantenan, scol, fundacion, comerciante, inversionista, pa duna nan aporte na e “Immerse Aruba Innovation Week”, di dia 28 di October pa 1 di November proximo.

“E enfoke ta pa nos tur como comunidad realiza cu si nos no cambia cierto cosnan cu nos ta haciendo nos no ta logra di cumpli cu e metanan cu nos mes a pone pa nos como pais, ni como mundo, pa crea un miho mundo tambe. E metanan aki mi ta referi na ‘sostenible development goals’ na 2030. Si bo tambe tin un idea innovativo bo tambe por organiza algo e siman ey” Prome Minister a expresa.

 

 

- Advertisement -

DUNA COMENTARIO

Please enter your comment!
Please enter your name here