Home arte y espectaculo Hopi ambiente y premio durante Paseo Herencia su evento exitoso di Halloween...

Hopi ambiente y premio durante Paseo Herencia su evento exitoso di Halloween Trick or Treat

55
0
SHARE
- Advertisement -

ORANJESTAD (AAN):  Riba diadomingo, 27 di October Paseo Herencia a organiza nan evento di Halloween Trick or Treat. Cuminsando for di 5or di atardi muchanan tabata ansioso pa busca nan saco di mangel pa nan por a bai Trick or Treat na e diferente tiendanan y restaurantnan participante.

Na mesun momento riba Paseo su escenario tabata tin diferente shownan presenta pa Youth N Action, Kiniki Festival: Kingston Tromp, Melodie Franken y Xamarah Anthonij. Na final tambe tabata tin un demonstracion di Tang Soo Do combina cu gymnastics.

Banda di e escenario bishitantenan por a goza di un dushi ambiente cu un bebida refrescante di Starbucks y por a bishita e booth di Kiwanis pa hasi nan donacion pa UNICEF. Tabata tin diferente weganan pa muchanan unda cu por a gana diferente premionan.

Ademas di e weganan tambe premionan di Gift Certificates a wordo otorga na e miho disfrasnan pa categoria di edad y categoria di disfras di famia/ grupo. Paseo Herencia a keda hopi contento di mira tanto creatividad y sonrisanan di famianan pasando un dushi anochi.

Miho disfrasnan di e anochi

Ganadornan di mihor disfraz ta como lo siguiente:

Miho disfraz entre 0 – 5 aña di edad: The Lego Joker Suit a gana un Gift Certificate di Aruba Aloe

Miho disfraz entre 6 – 12 aña di edad: TeleAruba Crafted Outfit a gana un Paseo Gift Certificate

Miho disfraz > 18 aña di edad: Funky Dancer Suit a gana un Gift Certificate di Aldo

Miho disfraz di famia/ grupo:

1st prize: Ninja Family – Gift Certificate di TGI Friday’s

2nd prize: La Casa de Papel – Gift Certificates di Caribbean Cinemas VIP

3rd prize: Mario Bros – Paseo Gift Certificate

Extra Premionan

Mas premio a wordo otorga na esnan cu a saca un potret na e Photobooth y a hastag #paseoherencia riba Facebook. Fun Miles tambe tabata presente den Paseo su Plaza. Tur esnan cu a paga nan ticket di parking cu nan Fun Miles por a participa pa gana 7500 FM points. Ganador a wordo anuncia riba e pagina di Paseo Herencia.

Halloween Specials

Ademas di tur e actividadnan den e Plaza tambe tabata tin hopi specials na diferente tiendanan, restaurantnan y cinema. Pa esnan cu kier ricibi emails regularmente di tur e specials di Paseo por pasa na e parking cashier pa inscribi den Paseo su Loyalty Program. Cu e programa aki por acumula punto cu cada transaccion hasi na Paseo Herencia y por intercambia esakinan pa otro beneficionan.

Actividadnan pa día 31 di oktober

E ambiente di Halloween ta continua aki na Paseo Herencia. Dia 30 di oktober Caribbean Cinemas VIP lo tin nan Midnight event cu e premiere di e película di Terminator 3 y tambe por disfruta di e peliculanan di Maleficent 2, Countdown, The Addams Family y Zombieland 2 tur cuminsando 11:50pm. Pa mas informacion por subi riba nan pagina di Facebook.

Starbucks lo continua cu nan bebida limita ‘Frappula Frapuccino’ te cu dia 31 di oktober. Virtual Reality tambe ta ofrece un experiencia unico cu nan Epic Roller Coasters pa solamente Awg 10.

Di diamars pa diahuebs TGI Friday’s tin nan special di Dollar pa Florin unda cu famianan of gruponan por bin disfruta e tremendo special cu lo cai tambe riba Halloween dia 31 di oktober.

Paseo Herencia ta continua di brinda un experiencia inolvidabel pa henter famia. Den luna di november lo tin specialnan pa Thanksgiving, Black Friday y apertura di e temporada di Pasco. Sigi Paseo Herencia su pagina di Facebook of inscribi den Paseo su Loyalty Program na parking cashier pa keda informa di e specialnan pa temporada venidero.

- Advertisement -

DUNA COMENTARIO

Please enter your comment!
Please enter your name here