Home Cultura Grandioso festival di Caha di Orgel organiza pa Museo Historico Aruba

Grandioso festival di Caha di Orgel organiza pa Museo Historico Aruba

61
0
SHARE
- Advertisement -

Diasabra dia 2 di November den Fort Zoutman:

ORANJESTAD (AAN) – E manager di Museo Historico Aruba, Mariana Kelly-Paula, y Arthur Kelly, den entrevista cu DIARIO a duna informacion tocante un grandioso festival di Caha di Orgel, cu ta bay tuma lugar Diasabra proximo, dia 2 di November.

E Festival ta organiza pa Museo Historico Aruba, y lo tuma lugar na Fort Zoutman den un gran anochi cultural, unda un total di diez caha di orgel lo deleita e publico presente.

Arthur Kelly a menciona cu e festival aki lo cuminza pa 6 or di atardi y lo caba 11’or di anochi. Lo tin bar y cushina bon surti.

Lo tin entre otro, presentacion di Caha di Orgel El Diamante di Patan Faro, Nos Ambiente di Nelson Sprok, El Porfiado di Miguel Werleman, Nieva Maria di Juan Curiel, Mi Macuarima di Basilio Geerman, Mi Adorada di Chido Marin, Bucurui di Nai Felicia, Miranda di Nelson Thiel, y mas.

Dunando aporte na Aruba su cultura, cu e festival di orgel aki, sr. Kelly kier a invita henter pueblo di Aruba pa yega Fort Zoutman y colabora pa engrandece nos cultura. Tin un costo di entrada masha abao mes.

El a gradici e tres sponsornan cu ta haci e festival aki posible.

Mariana Kelly a splica acerca cu esaki ta e di dos aña cu e gran festival aki ta wordo teni. Den cushina lo no falta e toke Pasco di Nacemento, cu e cumindanan custumbra pa e fechanan aki. Personanan cu ta interesa pa haci un tour den e museo den e ocasion aki tambe ta posible.

- Advertisement -

DUNA COMENTARIO

Please enter your comment!
Please enter your name here