Home Turismo E proyecto di Hyatt Place Aruba Airport ta cuadra perfectamente cu e...

E proyecto di Hyatt Place Aruba Airport ta cuadra perfectamente cu e bunita hendenan di Aruba

104
0
SHARE
- Advertisement -

Luis Cano:

ORANJESTAD(AAN): Diaranzon durante inauguracion di Hyatt Place Aruba Airport, Luis Cano, un di e palancanan pa loke ta e proyecto di Aruba Hotel and Business Center a hiba palabra.

Na un manera emocional el a papia riba su envolvimento den e proyecto, despues cu su ruman homber lamentablemente a fayece.

Cano a splica cu for di tempo cu a pone e prome piedra pa e hotel, e tempo a bula.

El a indica cu danki na e tremendo grupo di hende cu a traha riba e proyecto y a percura pa tur cos cana bon, awor e tremendo hotel ta un realidad.

“Awe nos ta para den e hotel mas bunita di Aruba y nos ta sigur cu e proyecto aki ta bay ta un exito pa Aruba”.

Esaki segun Cano, kende a gradici tur minister envolvi y sigur Dangui Oduber, cu a yuda pa tur e tramitenan cana bon.

Cano a sigui bisa cu e proyecto ta cuadra hopi cu e bunita pueblo di Aruba, cu ta un di e paisnan mas bendiciona na mundo, pa su clima, su beyeza y su hendenan.

“Esaki tabata un idea di cual mi ruman sigur tabata parti di dje y lamentablemente e no ta aki cu nos awe”, Cano a bisa cu lagrimanan na wowo.

Cano a gradici Minister Otmar Oduber tambe pa e confianza cu e tabata tin den e proyecto for di mas cu 3 aña pasa.

- Advertisement -

DUNA COMENTARIO

Please enter your comment!
Please enter your name here