Home Beyeza Daniela Piazzi, Miss International Aruba 2019, a haya reconocimento den Nacionnan Uni

Daniela Piazzi, Miss International Aruba 2019, a haya reconocimento den Nacionnan Uni

458
0
SHARE
- Advertisement -

Pa su contribucion den metanan di desaroyo di sostenibilidad na Aruba

ORANJESTAD (AAN): Daniela Piazzi, Miss International Aruba 2019, a wordo invita pa e Asamblea SDG (Sustainable Development Goals) den Nacionnan Uni na New York, dia 26 di September pasa.

Daniela a haya reconocimento pa su contribucion den metanan di desaroyo di sostenibilidad na Aruba, entre esnan cu a haya reconocimento aki tabata Arun Gandhi (nieto di Mohandas Gandhi), Naomi Campbell, Alicia Keys y otro activistanan, den un total di 17 reconocimento a wordo entrega durante e anochi.

Durante temporada di zomer, Daniela a traha den Departamento di Innovacion di Aruba bao di Prome Minister Evelyn Wever-Croes. Su proyecto principal tabata educacion di hobennan relaciona cu metanan di desaroyo di sostenibilidad, siña muchanan riba robotics, coding, medio ambiente, agricultura sostenible, entre otro temanan. E tabata 1 di 7 miembro di un ‘Think Tank’ nacional y miembro di comite di SDG.

Na edad di 22 aña, Daniela a logra variedad di elogio y ta dedica na duna bek na Aruba. Dia 12 di November, e lo representa Aruba den di 59 edicion di Miss International, cu lo tuma lugar na Tokio.

Daniela ainda ta buscando mas sponsors pa asina yuda su gastonan den exterior, manera su vestuario, pasashi, seguro, cuminda. Cualkier contribucion ta yuda! Pa mas informacion email: [email protected] of tuma contacto cu Isai na 6308150.

 

- Advertisement -

DUNA COMENTARIO

Please enter your comment!
Please enter your name here