Home General Banco Mundial ta yudando Aruba cu e Evaluacion Nacional di Risico

Banco Mundial ta yudando Aruba cu e Evaluacion Nacional di Risico

93
0
SHARE
- Advertisement -

Pa loke ta labamento di placa y financiamento di terorismo

ORANJESTAD (AAN):  Di dia 23 te dia 25 di September 2019, un team di Banco Mundial (World Bank) tabata na Aruba pa yuda e autoridadnan cu e asina yama Evaluacion Nacional di Risico (National Risk Assessment) relaciona cu labamento di placa y financiamento di terorismo.

E evaluacion tin como obhetivo identifica e risiconan principal di e labamento di placa y financiamento di terorismo (ML/TF))  na Aruba a traves di un analisis exhaustivo cu lo permiti e diseño di un estrategia integral AML/CFT pa mitiga e risiconan identifica.

Esaki lo yuda asigna recursonan pa e lucha contra e labamento di placa y e financiamento di terorismo di un manera mas efectivo y eficiente, na mesun momento cu ta cumpli cu e standardnan  internacional emiti pa Financial Action Task Force (FATF).

E proceso di evaluacion di risico ta organiza, dirigi y ehecuta pa e autoridadnan local utilizando e metodologia di autoevaluacion di  World Bank Group. E evaluacion ta wordo realiza cu e colaboracion entre e diferente departamentonan gubernamental di Aruba y e sector priva local.

Ta esencial pa conta cu un strategia nacional di evaluacion di risiconan AML/CFT pa e di 4 fase di evaluacion AML/CFT di Aruba pa medio di  Caribbean Financial Action Task Force (CFATF) den di tres trimester di 2020.

- Advertisement -

DUNA COMENTARIO

Please enter your comment!
Please enter your name here