Home General Aruba ta paga y lo sigui paga pa e brasa y sunchi...

Aruba ta paga y lo sigui paga pa e brasa y sunchi di Mike

317
0
SHARE
- Advertisement -

Resumen di siman

Gobierno Mike Eman deliberadamente a pusha Aruba den lama bruto

Un pais cu kier drenta un futuro nobo, mester inventarisa e motibo cu el a haya su mes den problema. Si lubida loke a pasa, historia por ripiti su mes cu cualkier grupo cu atrobe ta logra yega na poder cu manipulacion di pueblo.

Durante un siman esencial pa e futuro financiero di Aruba cu ta dicidi pa e calidad di bida di e Arubiano, DIARIO a duna prueba di e forma cu deliberadamente Gabinete Mike Eman a pusha Aruba den lama bruto pa e por hunga politica.

Cu prueba y cu investigacionnan y declaracionnan di instancianan oficial, DIARIO a mustra con Gobierno Mike Eman pa e por hunga politica y haya voto, a hinca Aruba den debe grandi pa cual awe y pa basta tempo, Aruba mester paga.

Loke a pasa cu Aruba durante e gobernacion di Mike Eman no tin nomber, manera DIARIO a demostra y lo sigui demostra pa aclaria na pueblo pakico e mester paga awe y durante basta aña.

Gobierno Mike Eman a hoga bienestar di Aruba den un maleta di proyecto mal prepara cu tabata cambia cada bes cu Mike Eman bolbe for di bario y hunto cu Benny Sevinger cu tabata encarga cu e pot di 1.6 Biyon, aumenta e sumanan cu nos mester paga awor.

E palabranan aki no ta di DIARIO, manera nos a demostra pero palabranan cu directamente nos a cita for di e rapport di Algemene Rekenkamer Aruba cu a mustra con decisionnan financiero importante a wordo tuma pa Aruba a base di bishitanan di Mike Eman den bario.

Awe e Comision di Supervision a mustra cu medida mester wordo tuma pa Aruba por drenta un futuro nobo. E futuro actual ta resultado di e maneho di Mike Eman, cu no a asumi su responsabilidad pa drenta Parlamento y yuda yega na solucion pa e pais, cu el a hinca den catastrofe.

Un siman ta cera y un siman nobo ta habri. E futuro mas cercano di Aruba lo ta dificil. Mester recupera un economia cu gobierno Mike Eman a destrui cu e proyecto di Citgo.

Aruba mester mira con e por yega na un forma pa haya placa pa paga e debe di gobierno Eman.

Aruba ta drenta un epoca den cual e pais sigur mester di trankilidad pa por bay dilanti.

E siman aki e grupo cu a sostene gobierno Mike Eman, manera rapportnan oficial ta trece dilanti, a yuda Mike Eman instiga den barionan di Aruba. Ta di lamenta cu te awe honestidad no ta wordo practica.

Si e grupo cu a sostene Mike Eman ora el a pone Aruba sink pa yega e situacion actual tin consenshi, nan ta atende cu Mike Eman y nan ta practica honestidad cu Aruba.

Un siman a cera. Mas y mas pueblo a cera conoci cu e abuso financiero nunca bisto di gobierno Mike Eman cu a destrui e dignidad di Status Aparte di Aruba y a pone e pais den man di supervision di Reino!

Aruba a paga y lo sigui paga un prijs halto pa e sunchi y brasanan di Mike Eman!

 

- Advertisement -

DUNA COMENTARIO

Please enter your comment!
Please enter your name here