Home Enseñanza Ministro Lampe mustrando cu lo no bay cera Middag MAVO

Ministro Lampe mustrando cu lo no bay cera Middag MAVO

5
0
SHARE
- Advertisement -

ORANJESTAD (AAN): Minister di Enseñansa Rudy Lampe a desmenti e noticia encuanto ceramento di Middag Mavo.

Esaki, Minister Lampe a enfatisa ta incorecto cu a sali den medio di comunicacion na unda ta bisa cu Minister di Eseñansa a cera Middag MAVO.

“E noticia aki ta incorecto ya cu Middag MAVO ta continua. E plannan tabata di habri 2 Middag MAVO, un na San Nicolas y un na Oranjestad pero pa motibo cu e inscripcion pa esun na Oranjestad tabata asina abou, a dicidi di mantene un so e ora cual ta esun di San Nicolas”, Minister Lampe a duna di conoce.

Minister Lampe ta enfatisa riba e compromiso cu Gobierno tin cu nos hubentud y ta trahando duro pa keda cla pa asina por cuminsa cu middag MAVO cu ta considera un “tweede kans” (segundo oportunidad) pa esnan cu  a drop out di e sistema regular.

Minister Lampe tambe a confirma cu e lesrooster pa e 4de klasnan ta cla caba y lo start awor na september. Pa loke ta trata e 2de y 3de klasnan lo bay cuminsa cu un sistema mas eficiente ya cu ta trata di alumnonan cu a keda sinta ya 2 biaha caba na MAVO y door di edad halto no por a continua cu e lesnan den dia.

Pa e motibo aki a introduci un sistema nobo mas personalisa pa asina evita e mesun porciento halto di drop out sperando cu di e manera aki e alumnonan por logra haya nan diploma di MAVO pa asina por sigui cu nan estudio.

Minister Lampe ta desmenti e noticia aki cu a worde saca y ta pidi cada mayor y alumno pa prepara nan mes pa cuminsa cu e lesnan dialuna dia 9 di september.

Cabinete Wever-Croes ta comprometi pa cu nos hobennan pa yuda nan realisa nan soñonan por medio di e sistema nobo di middag MAVO cu ta uno digitalisa y mas personal pa asina alumnonan por traha riba nan mesun ritmo.

Gobierno di Aruba ta desea e alumnonan di middag MAVO tur clase di exito pa cu e aña escolar aki sperando di por entrega cada uno nan diploma pa asina por realisa nan soño pa un miho  futuro.

- Advertisement -

DUNA COMENTARIO

Please enter your comment!
Please enter your name here