Home Tempo Meteo cu alerta pa calor excesivo pa e proximo dianan

Meteo cu alerta pa calor excesivo pa e proximo dianan

27
0
SHARE
- Advertisement -

ORANJESTAD (AAN)- Departamento Meteorologico di Aruba ta manda un mensahe pa tene cuenta cu e calor excesivo cu lo bay tin e proximo dianan. E combinacion di temperatura halto y porcentahenan medio halto te halto di humedad ademas di un biento menos fuerte cu normal durante proximo dianan lo pone cu por sinti malestar.

Temperaturanan lo oscila di 33 pa 36 grado Celsius. Porcentaje di humedad den 65 te 90% lo contribui na un indice di calor (temperatura aparente) rond di 38 te 42 grado Celsius cada dia.

E calor y humedad halto lo no baha mucho anochi cu temperatura bahando solamente te un minimo di 27 te 29°c grado…esaki lo aumenta e peligro pa hendenan cu no por haya un lugar adecua pa refresca nan curpa.

Ta den e temporada di mas calor di aña: Calor excesivo ta e asesino di tempo nr. 1.
Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu malo di curazon ta esnan mas expone. Limita actividad pafo di cas pa oranan trempan di mainta of ora solo baha. Si bo tin un airco cu ta funciona uze, of a lo menos habri bentana pa laga aire pasa y circula.

Accion di precaucion.

Un aviso pa calor excesivo ta nifica cu un periodo di temperatura halto ta wordu spera.

E combinacion di temperatura y humedad halto lo combina pa crea un situacion den cual malesa causa pa exposicion prolonga na temperatura halto lo por presenta.

Bebe hopi likido, keda den camber cu airco, keda aleha for di solo.

- Advertisement -

DUNA COMENTARIO

Please enter your comment!
Please enter your name here