Home General DTI lo cuminsa cu keurmemento di liftnan na Aruba entrante 1 di...

DTI lo cuminsa cu keurmemento di liftnan na Aruba entrante 1 di october 2019

26
0
SHARE
- Advertisement -

Ta prohibi pa  haci uso di un lift  sin cu tin un “veiligheidscertificaat”

ORANJESTAD (AAN):  Dienst Technische Inspecties (DTI) kier a informa e pueblo di Aruba cu entrante 1 oktober 2019, DTI lo cuminsa cu e aplicacion di e Ministeriële regeling di 2 december 2015  “ Regeling Keuring liften” (AB 2015 no 59).

E Regeling keuring Liften ta contene reglanan entorno instalacion, keuring y uso di liftnan.

Pa un compania por keur of instala un lift (pa hende of carga), nan mester ta reconoci door di Minister por medio di un proposicion di Hoofd van Dienst a base cu nan a entrega un peticion pa esaki.

Un sumario di e proceso: Desde 2015 e Regeling a wordo introduci pero e no a wordo ehecuta. Na 2018 a manda avisa companianan conoci cu nan mester cumpli cu e rekisitonan pa bin na remarke pa wordo reconoci pa nan por haci instalacion of keuring di liften bow supervision di Dienst Technische Inspecties.

Importante ta: Companianan reconoci pa keur un lift, mester entrega un peticion 2 luna prome cu tal trabou mester wordo haci (pa liftnan nobo y existente).

Anualmente un lift mester herkeur pa por hanja un veiligheidscertificaat.

Ta prohibi pa  haci uso di un lift  sin cu tin un “veiligheidscertificaat” .

DTI ta enfatisa pa tene na cuenta cu entrante 1 di october 2019 lo cuminsa na keur e liftnan na diferente parti di Aruba segun cu e companianan a haci e peticion pa cu esaki, tambe lo cuminsa cu control ariba e liftnan existente pa controla si ta cumpli cu e rekisitonan stipula pa haci uso di un lift.

- Advertisement -

DUNA COMENTARIO

Please enter your comment!
Please enter your name here