Home General Campaña di concientizacion ‘Ban Serio’ ta celebra un aña di existencia

Campaña di concientizacion ‘Ban Serio’ ta celebra un aña di existencia

13
0
SHARE
- Advertisement -

ORANJESTAD (AAN) – Ban Serio! ta un campaña di conscientisacion cu ta enfoca riba con cada comportacion tin un impacto. Ademas di confronta, Ban Serio! ta trata di inspira y facilita cambionan den comportacion y accionan colectivo pa un desaroyo duradero di Aruba.

E topiconan cu ta wordo enfoca riba dje ta: Medio Ambiente, Hospitalidad, Cultura y Siguridad.

Nan ta identifica como topiconan cu mester di mas atencion door di socionan den turismo como tambe nos comunidad local mes, den e proceso di Aruba Tourism Authority su plan multi-annual ‘Destination Development Plan’, cual nos comunidad por mira online tambe na cumirapafuturo.com.

E campaña Ban Serio! ya caba tin un aña den publicacion cu diferente evento cual mas tanto ta wordo mercadea on-line.

E siguiente 4 topico a wordo ampliamente discuti via social media cual ta: Medio Ambiente / Cultura / Siguridad y Hospitalidad.

Algun di e actividadnan importante cu nos comunidad por a participa den dje tabata e ‘Pimp my cup’ (challenge y ride) durante temporada di carnaval, unda a encurasha tur hende pa uza cupnan re-uzabel.

Durante e temporada di Pasco Grandi, na varios beach por medio di un pop-up-expo, comunidad por a mira den forma artistico cuanto plastic ta wordo haya den nos naturalesa y con por haci miho escogencia di obheto/productonan re-uzabel enbes di un solo uzo. Ban Serio! a promove varios celebracion cultural local y ta publica esaki via un kalender/lista cu ta menciona mayoria di nos eventonan y dianan di fiesta.

Pa mustra comunidad con nos comportacion ta riba diferente aspecto pa cu nos hospitalidad, e conocido actor Arubiano Gilmher Croes tabata e protagonista den diferente experimento social unda por mira claramente con e comportacion di nos comunidad ta den e asina yama Ban Serio Show.

Esaki a resalta hopi popular y comunidad a participa masalmente cu comentario y con nos tur por aporta na un miho Aruba.

Naturalmente Ban Serio! no ta keda para akinan so y por spera mas di mesun topiconan y evento den futuro.

- Advertisement -

DUNA COMENTARIO

Please enter your comment!
Please enter your name here