Home Turismo y Hoteleria ATA ta insisti cu nan a manda e structura salarial pa Ministro

ATA ta insisti cu nan a manda e structura salarial pa Ministro

12
0
SHARE
- Advertisement -

ORANJESTAD (AAN): Directora di ATA Sui Generis, Ronella Tjin Asjoe-Croes a reacciona riba e walkout cu a tuma lugar recien.

E Directora a mustra cu nan ta respeta e derecho di trahadornan pa protesta.  E ta referi aki na e accion di 60 minuut cu empleadonan di Aruba Tourism Authority a tene Diabierna cu a pasa den oranan di atardi.

Segun Tjin Asjoe-Croes, nan tabata pensando cu e ultimo reunionnan di Diaranzon y Diahuebs tabata casi yega na un deal.

El a splica, cu Aruba Tourism Authority ta na Mesa no solamente pa esnan cu ta forma parti di e CAO, pero nan tin un team di 49 FTE-Positions yena actualmente.  Como 22 di e puestonan aki ta forma parti di e CAO.  E restante ta miembronan di ATA cu no ta forma parti di e CAO.  Pero toch, por spera tambe cu gerencia ta na mesa pa tur 49 empleado di ATA na Aruba.

ATA tin diferente oficina internacional tambe, y eynan e paketenan ta diferente como cu nan ta conforme cu loke ta vigente na e pais eynan.

Otro aspecto tambe cu ATA a mustra Sindicato claramente den e proceso aki, ta con ultimo añanan e tasa di inflacion tabata, y kico tabata e aumento salarial pa empleadonan aki pa ATA.  Pues e ta algo conoci pa tur empleado y tambe pa Sindicato.

Durante e accion, Sindicato STA a mustra cu ainda ATA mes no a divulga ni na Ministro, kico tur e empleadonan, incluyendo esnan den top puesto di Tourism Authority ta gana como salario.

Segun Tjin Asjoe-Croes, na tur momento, ATA a mantene nan Hunta di Supervision, como tambe Ministro di Turismo na altura.  Un aspecto importante ta cu Ministro di Turismo a ricibi diferente informacion adicional di ATA, incluyendo e structura salarial vigente pa Aruba Tourism Authority.

Segun e Directora, e structura salarial aki ta basa riba un sistema crea na 2010 ora cu a independiza ATA, y ta un sistema mundialmente usa, unda cada funcion ta haya su baloracion y su puntuacion, y conforme esey ta cay den cierto schalering na ATA.

Asina ATA a bin ta traha cu e structura y evoluciona esey conforme cada momento cu negocia un CAO.

Tjin Asjoe-Croes a mustra cu nan HR-Manager y nan CFO tambe tabata forma parti di e negociacion di e proceso.

- Advertisement -

DUNA COMENTARIO

Please enter your comment!
Please enter your name here