Home General Turismo den balansa di situacion internacional

Turismo den balansa di situacion internacional

96
0
SHARE
- Advertisement -

Diferente factor ta hunga un papel importante

ORANJESTAD(AAN)– E situacion mundial actual ta haci pronosticonan pa e temporada  halto di turismo 2019-2020 hopi dificil.

A base di pronosticonan economico di varios organisacion mundial, DIARIO a trata di haya mas informacion di e loke por spera den e proximo temporada halto di turismo.

E pronosticonan pa economia mundial ta pendiente varios desaroyo den cual sigur e relacionnan Merca y China ta hunga un papel pero tambe diferente otro desaroyo cu mescos cu e problemanan entre Merca y China ta dificil pa pronostica.

E falta di siguridad di loke por pasa na nivel internacional sigur ta afecta tur pronostico na momentonan cu ya mester cuminsa prepara pa loke e temporada turistico por nifica.

Tin hopi factor di incertidumbre special pa e region di Caribe cu ta depende di turismo for di Merca, cu otro aña tin eleccion atrobe pero na mes momento no tin e destinacion di Cuba si e situacion sigui manera e ta.

E embargo di Merca contra Cuba por ta na fabor di Aruba, dependiendo otro factornan cu por afecta turismo en general manera e prijs di petroleo cu atrobe a mustra tendencia di aumento den fin di siman.

Manera informantenan a indica na DIARIO e instabilidad mundial tin su efecto pa tur economia y rapportnan importante a bira menos optimista riba economia na final di 2019 y a 2020.

Te awor Aruba a mantene su mes hopi bon pa loke ta trata turismo, cu sigur den region di Caribe ta den suspenso y pendiente desaroyonan mundial.

- Advertisement -

DUNA COMENTARIO

Please enter your comment!
Please enter your name here