Home Enseñanza Prome Ministro keda satisfecho cu e 6 modular moderno y espacioso instala...

Prome Ministro keda satisfecho cu e 6 modular moderno y espacioso instala na Colegio San Hose

41
0
SHARE
- Advertisement -

ORANJESTAD (AAN): Riba Dialuna hunto cu Minister Armando Lampe y Parlamentario Edgar Vrolijk, Prome Minsiter Evelyn Wever-Croes a bishita Colegio San Hose pa mira tur e avansenan pa cu e scol primaria aki.

Den luna di juli ultimo e trabaonan di remodelacion di Colegio San Hose a cuminsa na unda cu na augustus e banda di eerste, tweede y derde klas a worde basha abou pa crea luga pa e localnan modular. 6 modular nobo, bunita, espacio, comodo y cu airco a keda instala riba e tereno parti dilanti pa acomoda e muchanan di e klasnan aki.

Prome Minister a expresa su alegria y a keda hopi impresiona cu e bunitesa di e modularnan aki y tambe a gradici Minister di Enseñansa pa e maneho pa drecha scolnan. Pa hopi tempo varios scolnan no a haya mantencion necesario y hopi biaha a bira insigur. Pa Gabinete Wever-Croes prioridad ta pa tur scol logra haya e cuido necesario. Tabata un sentimento hopi bunita y di satisfaccion pa wak e alumnonan y docentenan content cu e cambionan haci, Prome Minister a expresa. E prome mandatario di nos pais a keda impreciona di mira con lihe e trabaonan di renovacion a bay y cu muchanan por a cuminsa nan aña escolar nobo den localidad nobo. Pronto por mira Colegio San Hose completamente renoba.

Prome Minister a worde ricibi pa cabesante suplente juffrouw Rina Croes y pa Comision di Mayor Jennifer Thiel, Jeanine Roga Wernet y Givancka Dijkhoff. Tambe tabata presente directora di SKOA sra Baly.

Colegio San Hose ta celebra nan 80 aña di existencia na Jan 2020 y a forma miles di mucha cu a contribui grandemente na nos  comunidad.

- Advertisement -

DUNA COMENTARIO

Please enter your comment!
Please enter your name here