Home Tempo Na e momentonan aki “Dorian” ta solamente un molester pa navegacion maritimo

Na e momentonan aki “Dorian” ta solamente un molester pa navegacion maritimo

55
0
SHARE
- Advertisement -

Departamento Meteorologico cu ultimo informe di tempo

ORANJESTAD (AAN):  Departamento Meteorologico di Aruba (DMA) ayera atardi a emiti su ultimo boletin di dia unda ta trece dilanti kico ta e ultimo desaroyonan pa loke ta tempo.

Por a tuma nota cu recien a forma un tormenta tropical cu e siman aki lo por bira resulta den un horcan. Pa e motibo aki ta bon pa tene e comunidad bon informa.

Un alerta pa biento duro y boto chikito pa lama localmente bruto ta na vigor y lo keda valido te diamars mainta 6’or.

Pa loke ta tempo awe marduga y den dia lo ta parcialmente nubla cu un posibel awacero pasahero.

Ta spera un temperatura maximo 34 grado celsius y minimo di 28 grado celsius

Biento lo ta modera te fuerte for di direccion generalmente oost; forsa 4 te 6 (20 te 50 km/ora, 11 te 27 nudo) den dia duro te posiblemente hopi duro den rafaga; forsa 7 te 8 (51 te 74 km/hr, 28 te 40 nudo).

Situacion general di tempo: Meteo ta indica cu humedad den nivelnan mas abao por pone un awacero pasahero desaroya den oranan di marduga y mainta di dialuna. Resto di dia tempo lo keda seco.

Di otro un banda por bisa cu e diferencianan di presion den area di Caribe ta bahando gradualmente y pa e motibo aki e biento lo bay baha den proximo 24 ora. lama tambe lo baha gradualmente durante proximo 24 pa 48 ora.

Condicion di lama: olanan di lama lo ta for di direccion oost cu haltura di 5 te localmente 8 pia; un aviso pa boto chikito ta na vigor; ta pidi usuarionan di lama pa bay cu cautela riba lama habri specialmente na partinan oost te noordwest.

Tempo tropical significante:

E tormenta tropical “Dorian” tabata move west riba awanan habri di Atlantico na mas o menos 605 km oost- zuidoost di Barbados. Na e momentonan aki “Dorian” ta solamente un molester pa navegacion maritimo, pero e ta acercando e islanan den parti oost di area di Caribe. Departamento Meteorologico di Aruba lo sigui desaroyonan di e sistema aki cu hopi atencion.

Un area di preSion abou situa riba oceano atlantico, oost di costa di North Carolina, “tin un chance grandi pa sigui desaroya y bira un ciclon tropical den proximo 24 pa 48 ora.

Potencial di awacero pa proximo 24 ora: menos di 1 mm;

Pronostico di tempo pa proximo tres (3) dianan: parcialmente nubla cu un posibel awacero pasahero. Biento lo ta modera te basta fuerte for di generalmente direccion oost; den dia fuerte te duro den rafaga; temperatura max / min lo ta: 34° / 28°

- Advertisement -

DUNA COMENTARIO

Please enter your comment!
Please enter your name here