Home Gobierno Minister Otmar Oduber a anuncia plan di Vivienda pa Sero Colorado

Minister Otmar Oduber a anuncia plan di Vivienda pa Sero Colorado

166
0
SHARE
- Advertisement -

ORANJESTAD (AAN): Diamars a tuma luga continuacion di reunion di resumen di trabaonan cu a tuma luga den e prome seis lunanan di Gobierno. Den cuadro di esaki Minister Otmar Oduber a duna un relato di trabaonan planifica di Vivienda pa parti pariba di nos isla.

Importante pa menciona ta cu durante di e ultimo 8 añanan di Gobierno anterior no a traha casnan social pa Aruba. Sinembargo Gabinete Wever – Croes a pone e meta pa por lo menos 200 cas social worde construi pa aña.

Tin proyecto di cas na Isaac Wagemakerstraat, Savaneta, Tweede fase Kiviti cu riba 71 cas, Wegkustbaterij cu 43 cas, Weg Rooi Hundo tin 32 cas mas di FCCA y na Savaneta un 36 cas adicional, cual ta suma na 182 cas pa Pariba di nos isla.

Banda di esaki tin diferente proyecto di DIP tumando luga na e momentonan aki.

Na Sero Colorado tin un di e proyectonan grandi cu lo bin e aña aki, no solamente tin un hotel cu proximamente lo cuminsa cu construccion. Pero den e area tambe lo tin verkavelingsplan. Fase uno di verkavelingsplan pa Sero Colorado ta encera 141 cas cu ta worde habri e aña aki y banda di esaki tin fase dos cu ta encera 96 cas mas den Sero Colorado.

Pues di e forma aki comunidad por tin un isti riba e diferente plannan pa viviendo cu tin pa Pariba di nos isla.

 

- Advertisement -

DUNA COMENTARIO

Please enter your comment!
Please enter your name here