Home General DTI preparando pa ciclo di informacion na companianan den construccion

DTI preparando pa ciclo di informacion na companianan den construccion

14
0
SHARE
- Advertisement -

ORANJESTAD (AAN): Manera DIARIO a trece dilanti luna pasa caba, Departamento di DTI ta preparando ciclo di informacion pa tur compania, contratista, personanan cu ta encarga cu security, cu fiesta, etc.

E asina yama “Informacion pa Compania” di Dienst Technische Inspecties ta den luna di Augustus, y e meta ta pa suministra gruponan riba e isla un chens pa haya informacion kico ta e trabao di DTI, cua leynan ta importante, rekesitonan di DTI, y tambe haya sa kico ta conseho y experiencianan di DTI.

Den luna di Augustus lo tin 3 sesion.

Prome sesion ta Diahuebs 15 di Augustus 2019 cu e topico “Construccion General”.  Esaki ta pa doño/director di compania, y personanan cu ta den ramo di seguridad di e compania.

Di dos sesion ta Diahuebs 22 di Augustus 2019 cu e topico “Traha na Haltura”.  Esaki ta pa tur hende cu ta interesa, sea trahador, doño/director, persona encarga cu seguridad, etc.

Di tres sesion ta Diahuebs 29 di Augustus 2019 cu e topico “Informacion pa Evento”.  Esaki ta pa tur hende cu ta interesa pa organiza evento, concierto, fiesta, food vendors, etc.

E sesionnna lo ta for di 6:00 pm te cu 7:30 pm, na e Trainingszaal di DTI na Barcadera 153 (mesun lugar di Keuringslokaal).  Tin cu reserva prome cu atende na e sesion prome cu 9 di Augustus 2019.  Tin lugar pa 40 persona pa sesion.

Pa reserva tin di contact DTI pa asina ta sigur cu bo cupo ta aden.

 

- Advertisement -

DUNA COMENTARIO

Please enter your comment!
Please enter your name here