Home General Crisis Aruba ta topa cu economia mundial peligroso

Crisis Aruba ta topa cu economia mundial peligroso

178
0
SHARE
- Advertisement -

Banco Central Aruba a adverti pa situacion economico mundial

*Sector  internacional financiero y di seguro den angustia

*Aruba mester di expansion economico y inversion internacional  

ORANJESTAD(AAN)– Na un forma continuo DIARIO a informa Pueblo di Aruba di e problemanan serio cu ta presenta nan mes na mundo.  E matutino di Aruba a bati alarma cada rato cu mas informacion bini dilanti riba e situacion di economia mundial di cual Aruba ta pertenece y pa cual Banco Central Aruba ta adverti atrobe den su relato riba e desaroyo di economia na Aruba durante e ultimo trimester di 2018.

Un crisis mundial ta propaganda su mes pa basta dia y ayera e mercado di balor na New York, a proclama crisis ora el a sufri un caida formal. Kico esaki ta encera DIARIO ta splica den otro articulo pa asina Aruba comprende tur detaye di loke ta pasa mundialmente.

DIARIO ta den contacto continuo cu expertonan cu ta mustra riba e impacto cu e situacion cu a presenta Diaranson na nivel mundial tin pa Aruba.

Un recesion, caida economico severo, a wordo anuncia na mundo. Companianan internacional a drenta den accion. Entre nan tin companianan riba tereno financiero y di seguro por ehempel, cu ta directamente conecta cu Aruba.

No ta unicamente empresa, pero cualkier Arubiano por bira victima ora companianan internacional den cual hasta companianan of seguronan di estado por perde placa ora e companianan cu nan a inverti aden internacionalmente, sufri caida.

Venezuela ta duna prueba di e efecto di domino riba tereno di economia mundial, manera na diferente ocasion DIARIO a trece dilanti y cu ta wordo treci dilanti tambe den e rapport di Banco Central di Aruba.

E confrontacion economico entre Merca y China ta uno di e factornan cu ta afecta economia mundial mescos incertidumbre cu varios sector mundial ta experencia.

Banco Central ta mustra riba posicionnan di e fondo monetario internacional IMF pero tambe di Banco Mundial cu ademas a mustra riba miedo riba tereno internacional pa haci inversion cu ta contene riesgo.

Aruba cu mester expande su economia mester tene cuenta cu e realidad mundial y mester cuminsa informa Aruba debidamente.

E informacionnan di Banco Central di Aruba ta sostene e alarma cu DIARIO a bati no solamente pa turismo pero pa tur sector despues cu manera a wordo publica e siman aki Union Europeo tambe a sigui baha su pronosticonan economico.

Banco Central a trece e situacion di Venezuela dilanti y e impacto cu e tabata tin riba e region.

E rapport di Banco Central riba e estado di economia di Aruba na final di 2018 ta mustra riba cifranan pa Merca cu no a conoce un mehoransa.

Ta momento pues pa Aruba wordo bon informa y pa Pueblo di Aruba comprende loke ta pasa.

E estado di economia di Aruba na final di 2018 ta importante pa realisa kico lo mester pasa riba termino cortico pero tambe den cual ambiente mundial Aruba mester trata di bandona su estado di crisis.

- Advertisement -

DUNA COMENTARIO

Please enter your comment!
Please enter your name here