Home General Censo piloto ta cuminza den luna di October

Censo piloto ta cuminza den luna di October

98
0
SHARE
- Advertisement -

CBS ta anuncia

ORANJESTAD (AAN):   Oficina Central di Estadistica (CBS) ta anuncia durante un conferencia di prensa diamars mainta cu e Censo Piloto cu lo tuma lugar durante e periodo di 3 di october te cu 13 di october 2019. Esaki en conexion cu preparacionnan pa e Conteo General di Poblacion y Vivienda (Censo Aruba 2020) cu lo tuma lugar entre 1 di october te cu 10 di October 2020.

CENSO LO TA DIGITAL

Manera ta conoci Censo 2020 lo ta completamente digital. Compara cu Censonan anterior, esaki kiermen cu lo tin cambio organisatorio importante. Pa e motibo aki, e Censo Piloto ta di sumo importancia. Durante e Censo Piloto CBS lo test e aspectonan di digitalisacion di Censo 2020, por ehempel e cuestionario digital, e proceduranan digital cu lo wordo usa durante e periodo di conteo pa garantisa e calidad di e datonan colecta, e procesonan digital pa analisa e datonan obteni y tambe e metodonan digital cu lo wordo usa pa procesa e datonan y publica e informacion colecta.

Pa Censo 2020, Aruba lo wordo parti den 5 area di conteo (teldisctirct). Na cada area di conteo lo tin un telcentrum cu lo conta cu un team consistiendo di 1 hoofdcoördinator y 2 coördinator di CBS cu lo ta encarga cu guia e trabounan pa e coleccion di datonan sosode na un manera optimal. E personal di CBS lo conta tambe cu e ayudo di 25 teamleiders cu lo yuda guia e tellers. Pa e Censo Piloto lo tin 1 telcentrum cu lo ta situa na oficina di CBS mes, pero cada team lo fungi den un area separa pa por guia nan grupo di teller.

Durante e Censo Piloto, un total di 75 persona lo fungi como teller. Nan lo acerca un total di 3750 punto di adres. E hogarnan cu lo wordo acerca lo wordo entrevista pa medio di un cuestionario digital riba un tablet. E topiconan cu ta inclui den e cuestionario ta relata na e vivienda, e hogar y e personanan den e hogar y lo ta entre otro: tipo di vivienda, acceso na awa, coriente y internet, molester di diferente aspecto den becindario di e vivienda, presencia di cacho y/of pushi den e hogar, uso di energia alternativo, composicion di hogar, estado civil, estado di salud y necesidad di asistencia pa cuido, educacion y labor.

Un Censo ta un instrumento valioso pa tur persona, como tambe pa instancianan publico, institutonan priva, y scolnan ya cu ta colecta datonan hopi relevante cu lo yuda den e planificacion y futuro desaroyo social y economico.

CBS kier a enfatisa cu e e privacidad di cada persona ta garantisa pa ley (Statistiekverordening) durante e Censo Piloto como tambe e Censo Aruba 2020. Informacion cu ta wordo colecta ta wordo uza solamente pa produci estadisticanan agrega. Informacion individual di persona of instancia no ta wordo divulga ni comparti cu ningun instancia of persona. Tambe ta importante pa corda e comunidad di Aruba cu hogar escogi pa e Censo piloto tambe lo wordo conta na Censo 2020. CBS ta depende grandemente riba e cooperacion di hogarnan na Aruba pa haci e Censo Piloto y e Censo 2020 un exito. Pesey e lema di e Censo ta: “Pasobra Aruba ta conta riba BO!”

POR BIRA TELLER

Pa personanan cu a inscribi pa fungi como teller pa e Censo Piloto, CBS kier informa tambe cu lo tuma contacto cu e personan escohi den transcurso e siman aki. Personan cu ta interesa pa fungi como teller durante Censo 2020, por inscribi libremente via nan website www.cbs.aw y yena e formulario di inscripcion digital. Si tin cualkier pregunta por haci esaki libremente na telefoon 524-7433 of via nos e-mail: [email protected]

- Advertisement -

DUNA COMENTARIO

Please enter your comment!
Please enter your name here