Home Religion y Espiritualidad Awe Diasabra lo tin un celebracion Eucaristico cu institucion den ministerio di...

Awe Diasabra lo tin un celebracion Eucaristico cu institucion den ministerio di lectorado y acolitado pa candidatonan di Diacono permanente

28
0
SHARE
- Advertisement -

ORANJESTAD (AAN) – Awe riba fiesta di San Lorenzo, Diacono y Martir, lo tin un celebracion Eucaristico, caminda 13 persona cu ta candidato pa Diacono Permanente di Aruba y Corsow despues di a completa nan formacion academico, lo wordo institui pa nos Obispo den e Ministerionan di Lector y Acolito.

Esaki ta un institucion necesario prome cu e candidatonan aki por ricibi e ordenacion como Diacono Permanente den sirbishi di Obispado di Willemstad.

Na anja 2013, obispado di Willemstad a crea e posibilidad pa hende homber casa of soltero di Aruba, Bonaire y Corsow por ordena comoDiacono Permanente. Prome cu e ordenacion di un diacono, sea permanente of transitorio, tin dos ministerio cu e candidatonan mester wordo institui, esta ministerionan di Lector y Acolito. Prome cu 1 di Januari 1973, e ministerionan aki tabatin e rando di orden menor. Den e carta apostolic “Ministerio Quaedam” promulga pa su santidad Pabo VI ta ilustra e dos ministerionan aki.

Ministerio di Lecgtorado – Lector “institui”

Den Iglesia Catolico tin varios persona cu ta lesa e Palabra di Dios (lecturanan y salmo) bao Santa Eucaristia. Nan ta wordo yama “lector”. Por bisa cu den Iglesia nos conoce dos tipo di lector: a)e lector – homber of muher – apunta pa e pastor di parokia den un funcion temporal y, b) e Lector Masculino cu Obispo mes den un ceremonia special ta institui den e ministerio permanente di Lectorado,. Esaki ta pa bida largo. E Lector “institui” tin algun tarea mas compara cu esun den funcion temporal. Aparte cu e ta yama pa proclama tur lectura y salmo (cu excepcion di Evangelio) e ta proclama e intencionnan, y ora ta necesario e ta dirigi canto, e por instrui e filenan pa ricibi e sacramentonan dignamente.

Ministerio di Acolitado – Acolito “institui”

Un acolito “institui” ta un sirbido masculino cu Obispo den un ceremonia special ta institui den e ministerio di acolitado. E ta yuda e Diacono y e Sacerdote den celebracion liturgico, specialmente durante Santa Eucaristia.  E ta yuda parti Santa Comunion como minister extra-ordinario si encaso tin falta minister ordinario (Obispo, Sacerdote of Diacono), E por expone Santisimo pa adoracion, pero no por duna bendicion cu Santisimo. E ta duna instruccion na e laiconan cu ta asisti riba altar, incluso e sirbidonan di misa. E por encabeza procesion liturgico cargando e,o. leccionario, cruz, bela, etc. Generalmente e por eherce tambe tur e otro tareanan cu normalmente e sirbidonan di misa ta haci. Pues e ministerio di e Acolito “institui” ta encera tareanan cu ta mas amplio cu esnan di e.o e sirbido di misa e lector y otro sirbido di liturgia

Cu institucion di e candidatonan den e dos ministerionan, Obispo Secco ta continua cu su programa pa den futuro ordena algun Diacono Permanente den obispado.

Esnan cu lo wordo institui awe pa Diacono Permanente di Aruba y Corsow ta Norman Panneflek di La Birgen di Altagracia,  Jacintho Danje di Inmaculada Concepcion, Alex A, Geerman di Inmaculada Concepcion, Gregory Goedgedrag Sta. Teresita, Ronald Kock Sta. Teresita, Gilbert A. Kelly Sagrado Curazon di Hesus, Micheal Nicolaas Cristo Rey, Patricio V. Nicolaas Cristo Rey, Kenneth E.R. Stein San Francisco de Asis, Edwin Thijsen Santa Ana, Jacinto V. Werleman Inmaculada Concepcion, Reginald A. Winklaar San Huan Pablo II, Timoteo Zievinger di Santa Ana.

- Advertisement -

DUNA COMENTARIO

Please enter your comment!
Please enter your name here