Home Enseñanza Tur alumno cu a inscribi y re-inscribi na SKOA tin un cupo...

Tur alumno cu a inscribi y re-inscribi na SKOA tin un cupo na scol pa aña escolar nobo

49
0
SHARE
??
- Advertisement -

Anuesca Bely, Director:

ORANJESTAD (AAN) – Director di SKOA (Stichting Katholiek Onderwijs Aruba) sra. Anuesca Baly, den entrevista cu DIARIO a menciona cu e aña escolar 2018-2019 tabata hopi exitoso.

Nan a tuma diferente reto y un di nan ta cu a lanza SKOA su website durante e aña escolar cu a pasa, y a duna mayornan e oportunidad pa inscribi y re-inscribi online.

Pa SKOA esaki tabata un reto bastante grandi, pasobra manera ta conoci SKOA ta un organizacion grandi cu 46 scol, pues hopi alumno, hopi mayor. Kiermen, e no ta un reto chikito pa haya tur mayor, pa yega na e caminda unda SKOA kier bay, cu ta digitalizacion.

Sra. Baly a subraya cu e aña cu a pasa tabata pa SKOA un “soft opening” y pa aña escolar 2019-2020 tur scol lo bira online.

Pa mayornan cu no tin e facilidad di ta online e oficinanan di SKOA ta habri, esaki no ta bay kita. Nan ta compronde cu no tur hende ta handle cu e parti di digitalizacion.

Tocante e resultadonan escolar SKOA ta satisfecho, pero semper nan ta purba di mehora.

Encuanto inscripcion y re-inscripcion SKOA a tramita practicamente tur, y aworaki tur alumno cu a inscribi y re-inscribi tin un cupo na un di e scolnan di SKOA, y esaki tambe tabata un reto grandi pa e Stichting, pero ora aña escolar 2019-2020 habri tur e alumnonan tin un lugar.

- Advertisement -

DUNA COMENTARIO

Please enter your comment!
Please enter your name here