Home Enseñanza SKOA a inverti den curso pa 12 docente bira ICT Coach

SKOA a inverti den curso pa 12 docente bira ICT Coach

83
0
SHARE
- Advertisement -

Den e proceso di digitalizacion di scolnan:

ORANJESTAD (AAN) – Den entrevista cu DIARIO, e director di SKOA Anuesca Baly, a menciona cu e Stichting a cuminza cu digitalizacion di su scolnan mas cu seis aña pasa.

Colegio Frére Bonifacius ta un di e scolnan pionero cu a cuminza e tempo ey cu I-pad den klas cinco y seis y aworaki a bahe na klas 4.

Otro scolnan ta bayendo den e mesun rumbo, pero no di I pad sino otro tipo di digitalizacion, y SKOA a zorg pa inverti aña pasa, pa tur su scolnan tin wifi. Tambe a percura pa 12 docente wordo specializa pa bira ICT Coach y cu aworaki ta certifica.

E aña aki nan a gradua y ta bay na e diferente scolnan unda ta bay sostene nan scol, poco poco.

Sra. Baly a indica cu SKOA ta pensa cu dunando digitalizacon na e scolnan no kiermen cambia e borchi tur biaha, sin duna informacion y educacion na e maestronan.

Nan ta cuminza lentamente y nan tin den nan plan estrategico cu nan ta bezig cune, cu pa 2015 tur e scolnan di SKOA mester ta completamente digital, y tur su docentenan mester ta specializa den esaki.

Esaki ta SKOA su meta den cual nan ta kere, mescos cu ta para den PEN 2030 nan kier pa tur docente y alumno ta mas “digital ready”.

Desde seis aña pasa tur e material di Colegio Frére Bonifacius ta riba i-pad y tur e lesnan ta wordo duna asina. E sistema aki a cuminza como un proyecto piloto, pero aworaki ta un hecho y no por yame piloto mas.

SKOA a dicidi cu tur alumno cu ta bin di Colegio Frére Bonifacius y ta drenta MAVO Scol, ta bay cuminza na Maria Dependance cu un klas i-pad.

Esaki pa motibo cu e muchanan aki tin tres aña caba trahando riba e sistema aki, y si e mayor ta desea e muchanan ta sigui cu e sistema i-pad. Otro di e scolnan ta Sint Paulus na San Nicolas.

Nan ta bay bin cu mas curso di ICT-Coach cuminzando na October venidero cu 12 docente mas.

Sra. Baly a subraya cu un aspecto cu SKOA ta haya hopi importante ta pa educa y sigui forma su docentenan y pa e motibo aki e fundacion a tuma e decision pa bin, un biaha mas, cu nan “National Onderwijs Dag”. Aña pasa e tabata un exito rotundo y e aña escolar nobo nan lo ripitie, cu diferente tayer di trabao pa e docentenan.

Tambe den siman lo tin diferente otro tayer di trabao cu lo tuma lugar despues di oranan di trabao. E “National Onderwijs Day” lo no tin scol, pero mayornan mester mire como un enrekesimento pa e maestronan pa nan bin ehecuta esaki na scol pa nan yiunan.

Sra. Baly a menciona tambe cu un sistema combina di enseñanza cu buki y digital, ta duna mihor fruto, segun un sondeo cu SKOA a realiza.

Esaki ta e caso di e scolnan basico St. Paulus y Frére Bonifacius, y ora ta wak e motivacion di e alumnonan e ta hopi halto, no solamente pa e alumno pero tambe pa e docente. Pa e docente ora di prepara su mes digitalmente e ta bira mas facil, pero tambe mas interactivo y awendia nan por bay riba google of youtu  busca informacion.

Otro ehemplo ta Sagrado Curazon unda e muchanan tabata hayando les di Ingles via Smart TV, y esaki ta hopi leuk di mira e muchanan bezig di forma interactivo, sra. Baly a splica.

Tambe el a observa na Colegio Ora Ubao, un les di Geschiedenis, unda e juffrouw a pone e tema di specerijen y e muchanan a wak esaki via television y a contesta e preguntanan. E balansa entre buki y digital ta haci e les mas varia pa e maestronan tambe.

SKOA ta haya importante tambe pa duna e maestro e tools y pesey nan a inverti pa tur scol haya wifi y scolnan mes ta wak unda nan por sondea pa haci nan mas digital.

- Advertisement -

DUNA COMENTARIO

Please enter your comment!
Please enter your name here