Home Gobierno Pa expansion di tereno y extension erfpacht pendiente por pasa di 5...

Pa expansion di tereno y extension erfpacht pendiente por pasa di 5 y 16 Augustus na DIP

32
0
SHARE
- Advertisement -

Director di DIP Haime Croes ta splica:

ORANJESTAD (AAN)— Haime Croes, director di Departamento di Infrastructura y Planificacion (DIP) a declara cu un aspecto riba cual Minister di Infrastructura, Medio Ambiente y Desaroyo Teritorial, ta stress ta pa duna e personanan cu pa añanan ta pidi nan “fair share”.

Director di DIP a menciona cu ora el a bay analiza a bin constata cu den principio, DIP tin mas of menos 22 producto. Pero DIP tin cu pidi despensa pasobra ningun di e 22 productonan aki ta “up to date”.

Esaki kiermen cu tin peticionnan haci añanan atras cu ni a haci caso di nan y a base di esey, e ta bisa, cu DIP mester cuminza lora manga y traha pa e personanan cu tin derecho sikiera na haya un contesta, cu nan no a haya.

Aworaki aki nan a drenta den accion y despues di e exito obteni cu e pre-reservacion di tereno, awor ta toca e turno na otro producto di DIP cual ta expansion di tereno (uitbreiding).

Tin hopi hende, segun e por a mira riba un lista, cu pa añanan largo (for di 1999) ta pidiendo un expansion di tereno. E uitbreiding por ta pa e persona traha un garashi, of un camber adicional, of otro. E no ta pidi hopi tereno pero si a pidie pa hopi tempo caba, sin cu e ta hayando esey.

Mirando e situacion aki, sr. Haime Croes ta indica, DIP a tuma accion y cartanan ta bayendo pa e personanan concerni na unda nan por pasa na DIP entre dia 5 pa 16 di Augustus proximo, pa reinscribi nan peticion y confirma cu nan kier e extension.

DIP tin cu wak si nan ta interesa ainda y un bez cu nan paga pa e extension nan lo manda nan midi na Kadaster y den tres pa cuater luna nan por haya e parti di uitbreiding cu nan a pidi for di añanan caba.

ERFPACHT CADUCA:
Otro producto cu DIP ta bay atende di biaha ta e erfpachtnan cu a caduca. Asina sr. Croes a splica.

DIP ta carga e berguenza cu tin hende cu for di aña 1986 ta pidiendo un extension di nan erfpacht cu a caduca y nan a bin ripara cu tin mas of menos 300 peticion y awor gobierno, como parti di su maneho, kier cumpli cu nan.

Den e fase aki DIP ta puntra si tin mas hende cu no a inscribi, y cu ta pidiendo atrobe aworaki, pa nan pasa libremente tambe di 5 pa 16 di Augustus pa inscribi pa asina tambe por cuminza e proceso pa nan haya extension di nan erfpacht.

Tambe pa erfpacht comercial cu a caduca, sr. Haime Croes a menciona cu tin mas di 2 mil persona cu desde aña 2008 ta pidiendo cierto opcionnan y mirando cu e lista ta largo nan ta pidi tambe pa inscribi entre 15 pa 16 di Augustus proximo.

- Advertisement -

DUNA COMENTARIO

Please enter your comment!
Please enter your name here