Home General Hero a pega na candela na dump diadomingo

Hero a pega na candela na dump diadomingo

44
0
SHARE
- Advertisement -

Henley Davelaar di Serlimar: Investigacion ta tumando lugar

ORANJESTAD (AAN): Diadomingo ultimo un candela a wordo mira ariba tereno di dump. Relaciona cu esaki, Director di Serlimar, Henley Davelaar a duna di conoce cu pa mas o menos 4:15 di atardi el a haya notificacion di su coleganan cu un candela a presenta na e tereno di dump.

A resulta cu un caminda unda tin hero a pega na candela y ta haciendo e investigacion necesario pa haya sa kico a pasa, a bisa.

Ultimo tempo tabata tin e candelanan bao di control. Ta percura pa e cooperacion cu tin cu TNO wordo sigui. E sushinan ta wordo tapa diariamente y pueblo por a mira cu tin un mehoracion den esaki, a señala.

Segun Davelaar, nan ta lamenta e candela cu a surgi diadomingo y a tuma contacto cu Brandweer di biaha y personal a presenta na e sitio y a constata cu no tabata tin emergencia den e caso ey pasobra no a afecta aeropuerto ainda.

A enfatiza cu pa Serlimar esaki si tabata un emergencia pasobra e bisiñanan ta wordo afecta door di esaki y nan mesun operadornan cu ‘heavy equipment’ pa purba di tap’e mas tanto posibel.

“Pero naturalmente tur esaki tin su risico cune pa nos mesun empleadonan. Pasobra na momento cu nos tine basta bon domina nos a dicidi cu nos ta, e parti cu a sobra, lague caba di kima, en espera di e investigacion cu nos tin cu haci pa wak con bin esaki por a sosode”, e director di Serlimar a expresa.

Un hero no ta cende na candela zomaar. Tin chens pero mester investiga ainda si e tabata algo intencional, a remarca. Esaki a pasa net despues di 4or, ora di cera, a indica.

A sigui bisa cu aworaki e parti di siguridad na dump ta hopi bon, pero un hende por drenta banda di lama, parti pariba y den weekend e operadornan ta tur caminda y no ta tur ora por tin bista tur caminda.

Ta den spera pa e siman aki of otro siman sinta cu Brandweer na mesa pa yega na un acuerdo ora tin situacionnan asina, cu no ta emergencia pa aeropuerto pero pa dump si cu tin e salud di e bisiñanan na pecho, a bisa.

Kier toch pa tin un solucion duradero ora casonan asina presenta na Parkietenbos, a reitera.

Tin siguridad 24 ora na dump pero comunidad semper por raporta cualkier movimento straño, Davelaar a finaliza bisando.

 

- Advertisement -

DUNA COMENTARIO

Please enter your comment!
Please enter your name here