Home Gobierno Gobierno hunto cu OPPA lo instala un Ouderenraad

Gobierno hunto cu OPPA lo instala un Ouderenraad

16
0
SHARE
- Advertisement -

Minister Presidente a duna detaye:

ORANJESTAD (AAN) – “Ouderenraad” ta otro tema cu Minister Presidente mr. Evelyn Wever Croes, a referi na dje den conferencia di prensa di gobierno, Diahuebs di e siman aki. Ta trata aki di un organismo di Conseho, diseña pa OPPA, y ta similar na SER.

E mandatario a splica cu “Ouderenraad” ta un Conseho forma pa nos grandinan. Ta trata di un Instituto cu Gobierno ta bay instala, pa constantemente gobierno haya conseho for di e organo aki, riba tur tema cu ta concerni nos grandinan.

No necesariamente e personanan sinta den e Organo ta pensionado pero si hendenan cu ta pone atencion riba e temanan cu tin e pensionadonan bezig.

Por ehemplo, un di cuido di salud cu ta Geriatranan, cuido en general, manera ora un hende grandi ta biba na cas con e ta wordo cuida; hopi biaha ta e famianan ta cuida di e persona pero nan tambe mester di e sosten. Otronan ta bay biba na otro caminda, y “ki tipo di cuido nan tin eynan?”

Esaki ta e parti di cuido pero tin aspectonan financiero tambe di nos grandinan y esnan pensiona, cu un bez nan baha cu pension nan entrada ta bay atras aunke nan gastonan ta keda mescos, y hera ainda tin algun tema di belasting cu gobierno no a logra soluciona ainda, unda belastingnan mas halto hasta ora cu e persona ta cu pension.

“Nos a baha caba e prima di AZV cu ta bira mas halto ora bo baha cu pension, nos a baha tarifa di belasting caba, pues nos ta riba caminda si, pa duna e alivionan pero un Ouderenraad lo duna nos e consehonan ey”, segun Minister Presidente.

E dignatario a indica cu tambe e infrastructura, esta accesibilidad di nos grandinan den edificionan di gobierno, den banconan, den caya, mester tene cuenta ademas di e personanan cu tin un deficiencia, un handicap, cu nos grandinan tambe y mester adapta e infrastructura na nan.

Prome Minister a señala cu gobierno a combersa riba e concepto aki cu OPPA, cu a traha un concepto hopi interesante riba esaki, pues, gobierno ta partner cu OPPA den esaki tambe. E mandatario a splica cu e idea ta pa e bira algo similar na SER (Sociaal Economische Raad).

SER ta un grupo di persona cu ta wordo apunta door di sector publico y sector priva. Nan ta wordo sosteni pa un Secretariado y nan ta duna conseho riba temanan social y economico na Gobierno. Por ehemplo riba e tema di aumento di salario minimo, semper mester bay via SER.

Ouderenraad ta algo similar. E no ta cay bao SER pero lo tin un Secretariado cu probablemente ta e mesun di SER y cu ta bay yuda gobieno structuralmente, pa tene cuenta cu nos grandinan den tur decision cu wordo tuma.

- Advertisement -

DUNA COMENTARIO

Please enter your comment!
Please enter your name here