Home Religion y Espiritualidad Celebracion di fiesta Santa Ana y San Joaquin na Parokia di Noord

Celebracion di fiesta Santa Ana y San Joaquin na Parokia di Noord

19
0
SHARE
- Advertisement -

ORANJESTAD (AAN): Dia 26 juli venidero ta fiesta di Santa Ana y San Joaquin. Kendenan ta worde considera e patronanan di e welonan.

Santa Ana y San Joaquin tabata personanan di fe profundo y confianza den Dios. Nan tabata encarga pa educa nan yiu Maria den e caminda di fe y alimente den amor pa e Creado y prepara Maria pa su mision.

Den nos tempo aki e figura di welonan ta mas importante cu nunca. Unda cu e welonan a tuma e tarea di educado y formado di e muchanan y hobennan pa motibo di  matrimonionan kibra y extendi.

Santa Ana ta e patrona di parokia di Noord y pa tal motibo lo tin un celebracion grandi na parokia di Noord.

E celebracion aki ta cuminsa cu un nobena na honor di Santa Ana unda ta resa pa 9 dia largo Santo Rosario na Honor di Mama Maria den iglesia Santa Anna. Y ta culmina cu un procesion , cu ta sali for Compleho Deportivo Frans Figaroa na Shaba y ta termina na  iglesia di Santa Anna na Noord.  Ta sigui e celebracion cu un Santo Sacrificio solem den iglesia Santa Anna. Despues di e Santo Sacrificio di Misa tin un brindis pa tur devotonan.

E resamento di Santo Rosario ta cuminsa diaranson 17 di juli den iglesia Santa Anna. Ta cuminsa resa Santo Rosario 5.30 di atardi un ora prome cu Santo Sacrificio di Misa.  Diasabra 20 di juli e Santo Rosario lo ta 6.00 pm y e Santo Sacrifico di Misa ta 7.00 pm. Diadomingo 21 di juli ta resa Santo Rosario 5.00 pm y Santo Sacrificio di Misa ta 6.00 pm. Diamars 23 di juli Santo Sacrificio di Misa ta na Kapel di Alto Vista. Santo Rosario ta worde resa na iglesia Santa Anna. Tin oportunidad pa ricibi Santa Comunion.

Un invitacion grandi ta bay na tur parokiano y devotonan y e pueblo di Dios henter di Aruba pa asisti na e nobena y e celebracion grandi di Parokia di Noord.

- Advertisement -

DUNA COMENTARIO

Please enter your comment!
Please enter your name here