Home Deporte Piratas a derota The Prodigies y ta garantisa su puesto den play...

Piratas a derota The Prodigies y ta garantisa su puesto den play off

26
0
SHARE
- Advertisement -

ORANJESTAD (AAN) – E team di Piratas a derota The Prodigies den campeonato Heineken fasth pitch y asina ta garantiza su puesto den play off. Den categoria A Klas e fuerte equipo di Piratas a enfrenta The Prodigies.

Piratas a controla e wega y a bay cu e victoria. The Prodigies a pika ariba den cabez di promer inning 3-0 pero mesora Piratas ta responde pa corta e ventaha cu dos careda.

The Prodigies den cabez di dos ta bolbe anota un careda pa tuma ventaha 4-2. Den bom di 2 inning Piratas ta rally pa 3 careda pa bolter e score 5-4 y ta aumenta esaki cu 3 careda mas den bom di 3 inning. Boxscore final Piratas 9 careda, 11 hit, 2 error y ta laga 6 coredor na base.

The Prodigies 5 careda, 7 hit, 3 error y ta laga 7 coredor den circulacion. Piratas como equipo a bay di 20-11 pa un averahe di 550 mientras The Prodigies a bay di 22-7 pa un averahe di 318.

Mihor bateadornan pa Piratas ta Jonathan Barry 2-1, Modesto de la Cruz 2-1 cu 4 rbi, Franny D’Oleo 1-1 cu un doblete, Leyvis Gonzalez 2-1, Michel Corniels 2-2 cu 2 rbi, Harrison Dirksz 2-2, Ramon Gonzalez, Jermey Moreno y Dimas Santos tur a bay di 1-1.

Pa The Prodigies a destaca na plato Albert Croes 3-2 incluyendo un triple, Joshua Lucas, Fritzgerard Bislik, Hector Winterdal y Urvin Paesch tur a bay di 1-1.

William Benitez di Piratas ta enfrenta 27 bateador den 5 inning tirando 45 bola, 70 strike pa un total di 115 lansamento permitiendo 5 careda tras di 7 imparable ponchando 4 bateador y ta regala 3 base por bola pa pone e victoria solido riba su nomber.

Joshua Lucas ta bay cas cu e derota enfrentando 21 bateador den 3 inning, 29 bola, 32 strike pa un total di 61 lansamento permitiendo 8 careda tras di 9 hit y ta regala 2 base por bola. Hector Winterdal ta releva Joshua den causa perdi..

- Advertisement -

DUNA COMENTARIO

Please enter your comment!
Please enter your name here