Home Gobierno Minister Bikker ta trahando riba un concepto di ley cu a bay...

Minister Bikker ta trahando riba un concepto di ley cu a bay den e proceso legislativo

45
0
SHARE
- Advertisement -

Den contexto di e-Government:

ORANJESTAD (AAN) – Un di e metanan principal den e acuerdo di Gobernacion di Gabinete Wever-Croes, ta digitalize e servicionan di gobierno, den e cuadro di e-Government.

Asina Minister di Husticia mr. Andin Bikker, a señala den conferencia di prensa Diahuebs mainta.

Den cuadro di esaki, un acuerdo a wordo cera cu, entre otro, Estonia cu ta lider mundial riba tereno di e-Government, y den contexto aki Minister mr. Bikker ta bay presenta un concepto di ley cu ta bay den e proceso legislativo, pa gobierno por bay over na publicacion completamente digital di leynan, decretonan, etc.

E mandatario a splica cu actualmente e ta tumando lugar caba den practica, y actualmente por bay riba internet y por tuma nota di e leynan cu ta regarda nos ciudadanonan y nos pais. Corsow recientemente a bay den e sistema aki y aworaki tin un propuesta di den Tweede Kamer, di parti di Hulanda, unda nan tambe ta bay over na digitaliza completamente e publicacionnan di nan leynan.

Un di e bentahanan di esaki ta cu e ta encera menos gasto pasobra aworaki por bay riba internet pero di otro banda pa imprimi mester bay den un formato cu ta rekeri di un abonamento, pa por tuma nota di e leynan aki.

E dignatario a subraya cu ora cu gobierno bay over na digitalizacion por spaar tur e gastonan na printing, etc. Los di esey, actualmente e penetracion di conexion di internet, celular smart phone, etc., na Aruba, ta sumamente halto y pa un persona ta hopi mas facil pa un persona tuma nota di e leynan cu ta regarde, via medionan di comunicacion cu no ta mucho update y ainda tin cu sigui print, etc.

Ta pas completamente na e filosofia di Gabinete Wever-Croes pa bay e-government y pronto lo introduci e concepto di ley den e proceso legislativo pa Aruba tambe ta completamente actualiza den e filosofia di e-government.

 

 

 

- Advertisement -

DUNA COMENTARIO

Please enter your comment!
Please enter your name here