Home Gobierno 70% di e area declara pa desaroyo desde 10 aña pasa a...

70% di e area declara pa desaroyo desde 10 aña pasa a keda limita como area natural

125
0
SHARE
- Advertisement -

Minister Otmar Oduber tocante desaroyo pa San Nicolas:

ORANJESTAD (AAN) – Minister di Infrastructura, Medio Ambiente y Desaroyo Teritorial, a referi na e proyecto di hotel na San Nicolas, durante e conferencia di prensa di gobierno, Dialuna.

E dignatario a menciona cu durante varios luna caba, Gabinete Wever-Croes ta reuniendo cu un grupo cu ta hopi interesa den desaroya un hotel na San Nicolas.

Na titulo personal, el a comenta cu durante su 22 añanan den politica y prome cu esey caba, asistiendo den gobierno, el a mira hopi intencion pa desaroya algo pariba di nos Isla y sigur den industria di turismo.

El a reiera cu e ta durf di bisa cu tur gobierno durante e ultimo 40 añanan a haci esfuerzo pa logra di crea un desaroyo duradero, cu un deseo real, pa e area di San Nicolas, y tur biaha y for di Status Aparte te awe, a haya confronta cu e refineria ta cera su portanan, y apesar cu a habri-cera tres refineria, mientras tanto ketobay gobierno ta purba lucha pa habri e refineria na e momentonan aki, semper a boga pa loke Aruba ta haci bon.

“Aruba ta bon den turismo, y nos pais a sobrevivi y scapa nos famianan, nos economia, nos cuponan di trabao atravez di turismo” e dignatario a expresa.

E mandatario a agrega cu na cierto momento Aruba a conoce un crecemento hopi grandi pa locual Gobierno a tuma un decision na December 2018, despues cu hopi a wordo papia pa tin un moratorium, un ley cu por uza y den e caso aki e ta un instrumento den e ROP pa defini, cu no tin construccion ni expansion mas di hotelnan nobo ni tampoco condominium den e parti panoord di e Isla.

Pa tal motibo tur peticion cu ta drenta desde December aña pasa, ta wordo nenga a base di e Uitbreidingsplan aki, cu ta un instrumento cu tin den e LRO, cu su persona como minister a implementa.

A condiciona kico por sosode den e centro di ciudad, den e wafnan y na San Nicolas, y a base di un ley di “all inclusive” cu tabata tin, semper a bisa den e maneho di gobierno, cu San Nicolas merece y tin derecho di POR tin e oportunidad di tin otro desaroyo diferente na un refineria of banda di un refineria.

E mandatario a subraya cu den e caso aki, no ta por nada cu den e ley di LRO cu ta basa su mes den un maneho cu yama ROP, desde 2009 ya caba a fiha y delinea un area pariba di nos Isla, cu ta sirbi un proposito pa un desaroyo turistico y industrial, cuminza tuma lugar.

E area aki ta core for di KIA bin full abao te e area Seroe Colorado bay riba klip cu ta rond ariba di Baby Beach. Tur e area aki a wordo designa for di mas cu diez aña pasa den ley, pa e ta e area cu por wordo desaroya.

E mandatario a splica cu prome tabata tin e ley, ya caba e area cu e tempo ey tabata wordo yama “E plan maestro di Sasaki” a delinea tambe e area menciona como area di desaroyo.

Sinembargo, e gobierno aki den e cuadro di maneho pa preserva mas ainda, y den e ROP nobo cu ta bay wordo presenta dentro di dos siman, e area aki ta wordo limita, protehando full e area bin ariba te na KIA, haciendo esaki un zona natural, un area berde cu ta wordo mantene.

E dignatario a señala cu pesey ora e ta scucha gruponan cu ta lanta di cuida nos medio ambiente, y cu gobierno ta respeta sigur y ta duna oido, pasobra e arma principal den un democracia ta cu tur hende mag di duna su opinion, pero na final di dia ta e bienestar di e pais ta bay dilanti, y e area y e ciudadanonan cu ta biba den dje.

E dignatario a subraya cu casi 70% di e area a bira zona berde, y e unico area cu a keda pa desaroyo ta esun ariba e klip, unda por desaroya cierto areanan turistico di hotel y a reconoce abao banda di Nanki Country Club, cu ta un ruina na e momentonan aki, y areanan cu no ta proteha pa naturaleza, a wordo scogi pa por traha boutiques hotel, cu maximo 40 camber y riba e klip cu tin un proyecto pa desaroya y cu gobierno ta para tras di dje y cu ta consisti di tres fase, y esun prome tin intencion di cuminza e aña aki ainda.

- Advertisement -

DUNA COMENTARIO

Please enter your comment!
Please enter your name here