Home Policial San Nicolas: Polis a tene control riba Supermarketnan cu ta laga clientenan...

San Nicolas: Polis a tene control riba Supermarketnan cu ta laga clientenan bebe alcohol ey mes

571
0
SHARE
- Advertisement -

ORANJESTAD (AAN): Tur comerciante sa cu e ta algo prohibi.  En general clientenan tambe sa esey, debi cu hopi Supermarket y Minimarket ta pone borchi pa avisa esey.  Pero toch hende ta sigui haci esey.

Recientemente a tuma lugar un accion policial ariba tur supermercado pariba di brug. E proyecto aki ta den cuadro di un grupo di studiante di polis cu ta eherciendo nan estudio di MBO nivel 4 di polis. E control tabata dirigi ariba tur supermercado y minimarket pariba di brug.

A constata un problema di bebemento di alcohol pafo y paden di e supermercado y pa ley di articulo 7 di Vergunningverordening esaki ta prohibi, ta sigui bende alcohol despues di ora poni riba nan vergunning y tambe cu e alcohol zwak y sterki no ta poni apart manera ta poni den ley.

E studiantenan a traha nan plan y mesora a dirigi nan mes riba un accion tanto preventivo y represivo pa asina por kita completamente e bebemento pafo y paden di e supermercado.

E motibo di esaki tabata necesario mirando e multitud grandi cu ta bebe alcohol na e lugar cu consecuencia despues cu por haya chofer bou influencia di alcohol, problema na cas, mas persona bou influencia riba caminda publico, pelea y asina por sigui menciona e problema cu e por trece cu ne.

Despues di a concientisa e doñonan di supermercadonan pariba di brug, accion policial a cuminsa mesora algun dia despues.

DIARIO a compronde cu un total di 13 multa a worde parti pa e supermercadonan cu no a cumpli cu e avisonan.

Despues di mas control a mira cu e parti preventivo a duna resultado y por a mira despues cu tabata tin 0 multa parti pa e supermercadonan pariba di brug.

Cuerpo Policial Aruba lo keda enfatisa cu e controlnan ariba supermercado lo sigui pa asina mantene e orden publico ariba nos

- Advertisement -

DUNA COMENTARIO

Please enter your comment!
Please enter your name here