Home Policial Nissan Tiida a kima completamente riba Boulevard

Nissan Tiida a kima completamente riba Boulevard

178
0
SHARE
- Advertisement -

ORANJESTAD (AAN): Tabata Diasabra nochi pa 8:20 pm, cu Central di Polis a worde notifica cu riba Irausquin Boulevard, net otro banda di RIU Palace Aruba Hotel tin un vehiculo na candela.  Esaki ta net banda di e matanan mangel.

Ora cu e prome unidad di Polis a yega, nan a mira cu e candela ta basta grandi y a cuminza plama pa e otro autonan staciona den cercania.  Mesora a cuminsa cera e caminda y tene tur hende leu pa nan mes un seguridad.

E prome unidad di Bombero cu a yega na e lugar algun minuut despues, mesora a drenta den accion y a cuminsa na paga e candela.  Pero ya caba e candela lo a afecta e tubo di gasolin, y vlamnan a bira grandi.  E Nissan Tiida hatchback color cora tabata ya caba full perdi.  A dura un poco pa domina e candela, pasobra cada rato vlamnan ta bin bek.

Dos vehiculo cu tabata staciona na banda, tambe a haya daño di huma.  Algun di nan hasta rubbernan na e portanan a smelt, incluyendo un Nissan Murano color blanco.  A logra pusha y hala e vehiculonan aki for di e area pa evita lo peor.

Kico a causa e candela?  Pa sa esey, Polisnan tecnico di BFTO hunto cu Bombero a start cu un investigacion.  Toch un pabien na Bombero- y Polisnan cu a actua rapido pa evita lo peor.

- Advertisement -

DUNA COMENTARIO

Please enter your comment!
Please enter your name here