Home Religion y Espiritualidad Invitacion pa celebra aniversario di Aparicion di La Birgen di Fatima

Invitacion pa celebra aniversario di Aparicion di La Birgen di Fatima

42
0
SHARE
- Advertisement -

ORANJESTAD (AAN): Pastoornan di Parokia Sta. Theresita di Niño Hesus hunto cu Cas Curason di Maria (Blue Army Center) ta invita tur deboto, fielnan, grupo di oracion, tur Ministerio di Amigonan di Hesus y Maria, tur muchanan den preparacion pa ricibi e Sacramento di Prome Santa Comunion y Confirmacion y pueblo di Aruba en general pa participa na e procesion y asisti na e Santo Sacrificio di Misa na honor di La Birgen di Fatima, dialuna 13 di mei proximo.

E dia ey nos ta celebra e di 102 aniversario di e aparicion di La Birgen di Fatima na e 3 wardadornan chikito di carne, Lucia, Jacintha y Francisco.

E procession lo sali for di Kapel Emanuel (Grote Bergweg) pa 5:30 pm pasando den e cayanan di San Nicolas direccion pa Misa Sta. Theresita di Niño Hesus. Pa 7 pm Santo Sacrificio di Misa ta cuminsa.

Ban hunto como un famia uni asisti na e gran celebracion aki.

- Advertisement -

DUNA COMENTARIO

Please enter your comment!
Please enter your name here