Home General Campaña ‘The Authentic Aruba’ honra durante 2019 Annual Webby Awards

Campaña ‘The Authentic Aruba’ honra durante 2019 Annual Webby Awards

94
0
SHARE
- Advertisement -

ORANJESTAD (AAN) – Aruba Tourism Authority su iniciativa ‘Authentic Aruba’ a wordo honra durante e di 23 Annual Webby Awards 2019, e honor di mas grandi pa ricibi den medionan social y internet.

‘The Authentic Aruba Campaign’ a wordo honra den e categoria di episodionan visual cu contenido cual ta integra producto, servicio of strategianan di mercadeo na mes momento educando y entretene un audiencia.

Ora bo wordo honra por medio di e Webby Awards, e ta nifica cu bo ta den e top 20% di e 13,000 registracion (ricibi e aña aki) for di 50 estado Mericano y 70 diferente pais rond mundo.

Webby Awards ta wordo reconoci manera e honor di mas grandi riba internet por medio di New York Times, y ta actualmente e organisacion internacional cu ta liderando den locual ta honorando contenido di excelencia riba internet incluyendo websites, video, mercadeo, Media & PR, Apps y hopi mas.

E compania Disney -por ehempel- a wordo nombra e aña aki como tambe diferente talentonan y ‘influencers’ independiente.

Aruba Tourism Authority ta sumamente orguyoso cu e honor aki y un pabien ta bay na tur miembro di A.T.A. y agencianan partner pa nan contribucion, vision y sosten.

- Advertisement -

DUNA COMENTARIO

Please enter your comment!
Please enter your name here