Home General Fundacion Pa Nos Muchanan cu anochi informativo riba e tema ‘Con bo...

Fundacion Pa Nos Muchanan cu anochi informativo riba e tema ‘Con bo por yuda un mucha surpasa perdida’

29
0
SHARE
- Advertisement -

ORANJESTAD (AAN): Diamars ultimo dia 12 di Februari a wordo organisa dor di Fundacion Pa Nos Muchanan (FPNM) pa mayor cu tin yiu entre 0 pa 12 aña ‘Un Anochi Informativo’. Excelente; esey tabata e reaccion di cada participante cu a participa.

E charla aki a tuma lugar na FPNM cu e topico ‘Con Bo Por Yuda Un Mucha Surpasa Perdida’. Orador pa e anochi aki tabata Sr. Johnny Boekhoudt kende ta un ‘Forensisch Psycholoog’.
Ora bo pasa den un perdida bo por recupera na un manera saludable dor di saca bo mes for di e tristesa y sigi cu bo bida. Pa un mucha ta hopi mas dificil pa deal y surpasa un perdida dor cu nan no por compronde ainda kico ta morto.

Sr Boekhoudt a splica e fase nan di tristesa cu un mucha por pasa aden y a pone enfasis riba e importancia di comunicacion y splicacion di loke ta pasando durante e momentonan dificil aki. Aunke cu e ta dificil ta importante como mayor pa keda contesta e preguntanan di bo yiu.

Tambe Sr. Boekhoudt a añadi cu tur mucha ta expresa nan mes na nan momento. Y pesey ta importante pa laga un mucha expresa su sentimiento, cual cu ta algo importante pa su desaroyo.

Finalmente nos por conclui cu e anochi aki tabata uno informativo y interactivo caminda Sr. Boekhoudt a sa di guia tur presente tocante e topico aki.

FPNM ta gradici Sr. Boekhoudt pa su dedicacion y tempo pa brinda un anochi exitoso una bes mas. Alabes FPNM ta gradici tur  e mayornan cu a forma parti di e ‘Anochi Informativo’ aki cu sigur no lo ta e ultimo.

- Advertisement -

DUNA COMENTARIO

Please enter your comment!
Please enter your name here