Home General Aruba por hiba PDVSA y Venezuela Hues!

Aruba por hiba PDVSA y Venezuela Hues!

31
0
SHARE
- Advertisement -

For di inicio no a informa Aruba segun berdad

*Mentira y secreto a dirigi e proyecto refineria te awe

*No ta Merca pero regimen Maduro a kibra CITGO

ORANJESTAD(AAN)–No ta berdad cu Aruba mester a keda brasa crusa enfrente e problemanan cu a surgi cu CITGO.  Aruba por a tene regimen Maduro, PDVSA y CITGO responsabel pa e desaster grandi cu a ser provoca cu e refineria, cu no a ser rehabilita na Aruba.

For di prome cu e acuerdo a ser firma, Aruba a ser adverti dor di instancianan importante manera Parlamento Hulandes, cu e proyecto ta peligroso. A pone tur advertencia un banda cu mentira manera semper DIARIO a mustra y secreto.

Gobierno di Aruba tabata sa cu Venezuela no tin placa, cu parti di CITGO tabata di Rusia. Pero riba papel e responsabilidad financiero di Venezuela pa e proyecto ta poni. Venezuela mester a pone 300 Miyon Dollar disponibel pa cuminsa cu e proyecto. Por a hiba Venezuela Hues pero a opta pa no haci esaki.

Ta sumamente lamentablemente cu den henter e proyecto di CITGO, berdad no a ser papia cu pueblo di Aruba cu a wordo hinca den un aventura comercial cu regimen Maduro di Venezuela.

Te awe mentiranan ta wordo presenta na pueblo, cu di parti di DIARIO a ricibi tur informacion corecto pa asina e por opina. Aruba por tene Venezuela, PDVSA, CITGO responsabel pa e hecho cu e proyecto no a ser realisa y termina na 2018 y cuminsa confisca tur propiedad di e compania mientras ta spera un desenlace den e crisis actual.

DIARIO semper a papia cu prueba den e caso aki. E prueba cu Aruba por actua y mester a actua basta dia contra regimen Maduro prome cu e conflicto actual a surgi, ta presente den e hurisprudencia di e Hues na Merca caminda un grupo grandi di comerciante ta tras di CITGO como borg pa cubri debenan cu regimen Maduro a crea pa Venezuela.

Ta e regimen Maduro a haci e refineria na Merca nan baca di lechi, manera DIARIO a publica corectamente. Ta a base di e hecho cu regimen Maduro, PDVSA y CITGO no tabata uza e placa di CITGO pa ni sikiera evita problema serio pa CITGO,  cu Merca a tuma medida contra Venezuela.

E medidanan di Merca y Union Europeo ta pa evita cu ta sigui uza placa di pueblo di Venezuela cu ta muri di hamber pa honra deseonan di regimen Maduro, sosteni pa personanan cu ta bou investigacion mundial penal.

Cu luho di detaye, cu a sorprende Aruba, DIARIO a sali dilanti cu informacion corecto pa Aruba ora regimen Maduro y PDVSA no a duna Aruba ni e honor di splica kico nan ta haci mientras nan a firma un contracto den cu tabata obliga Venezuela di realisa e proyecto pa cual el a firma cu Aruba.

No tin ningun motibo valido pa Venezuela scapa su curpa, a menos cu Aruba sostene e mentira cu ta Merca a haci cu CITGO no tin placa pa hinca den e proyecto.

Aruba ningun momento mester a permiti CITGO keda y mantene e mercado di producto petrolero cu a kita for di Valero pa entrega na CITGO.

Pueblo di Aruba ta ricibiendo informacion cu no ta cuadra cu berdad di parti di instancianan cu mester ta honesto cu pueblo. Valero a bay pasobra el a mustra, mescos cu Exxon y Wyatt a haci anteriormente cu e refineria no ta rendabel y cu mester di capital importante pa hinca den e refineria.

Venezuela no tabata tin e placa for di ora cu a firma e contracto y ya Maduro a hipoteca interesnan Venezolano pa asina cubri e debenan grandi cu su gobierno a crea pa Venezuela.

Den e situacion a duna CITGO e mercado di productonan petrolero cu a kita for di Valero. Aruba a honra e acuerdo pero Venezuela no a honra su parti.

Expertonan ta mustra cu si lo tabata berdad mes cu ta e medidanan di Merca a stroba e refineria, no ta asunto di Aruba pero di Venezuela.

Investigacion ta mustra cu riba plataforma mundial e acuerdo di CITGO a ser cuestiona y advertencianan a ser poni un banda cu mentira y secretonan cu mester ser investiga.

- Advertisement -

DUNA COMENTARIO

Please enter your comment!
Please enter your name here