Home General Mucha muher di Puerto Rico cu a haya accident na Aruba a...

Mucha muher di Puerto Rico cu a haya accident na Aruba a cuminza cana bek

354
0
SHARE
- Advertisement -

ORANJESTAD (AAN):  Informacion cu DIARIO a haya for di Puerto Rico ta mustra un noticia hopi positivo. Ta asina cu e criatura cu tabata envolvi den un accidente basta serio aki na Aruba entre un UTV car y un bus a cuminza cana bek.

Esey ta locual e website di noticia di Puerto Rico “Primera Hora” a duna di conoce recientemente.

Jednnielys Perez tabata envolvi den e accidente aki den luna di Augustus 2018 cerca di Arashi Beach. El a wordo traslada den ambulans aereo pa su isla natal despues cu un polis mericano Sean Whalen, kende tabata testigo di e accidente, a haci un tremendo donacion pa asina e por a bay haya tratamento na su pais natal ya cu e famia no tabata tin seguro di viahe y den e caso aki, AZV no ta cubri e gastonan cu por a bin acerca pa yuda e mucha muher.

Jednnielys a perde un pia y a haya varios otro lesion. Pero awor el a haya un protesis na su pia drechi despues di basta luna di terapia y tratamento.

E criatura, despues di e accidente mester a pone den estado di coma pa por duna atencion medico aki na Aruba y asina por a translad’e pa Puerto Rico.

E famia Perez tabata na Aruba di vakantie pa un dia. Nan a yega cu crusero y e dia ey nana dicidi di dal un paseo den e UTV ora cu e tragedia a sosode.

Aworaki cu ayudo di e profesionalnan medico Jednnielys ta recuperando satisfactoriamente.

 

- Advertisement -

DUNA COMENTARIO

Please enter your comment!
Please enter your name here