Home General Gobierno a declara 2019 como Aña di famia y Cuido di nos...

Gobierno a declara 2019 como Aña di famia y Cuido di nos Muchanan

314
0
SHARE
— Prome Ministro Evelyn Wever-Croes.
- Advertisement -

ORANJESTAD (AAN)— Gobierno a tene su prome conferencia di prensa semanal di e aña aki, Dialuna y e tabata na encargo di Minister Presidente mr. Evelyn Wever-Croes.

Cu yen di optimismo e dignatario a cuminza pa acentua cu e aña aki, aunke naturalmente tin su retonan, y mirando cu gobierno a atende cu tur e retonan di 2018 e tin tur FE y confianza cu tambe lo por enfrenta esnan di 2019.

Minister Presidente a cuminza cu e Declaracion di e aña aki como “Aña di Famia y di Cuido di nos Muchanan”.

E dignatario a subraya cu na 2017 ora su gabinete a sinta a pone e ser humano central, y nan a dicidi pa cambia e enfoke di gobierno y pone enfoke riba e persona, e ser humano.

Aña pasa a pone hopi atencion na e Plan di Crisis Social, pa atende cu e problemanan social di mas urgente den nos comunidad.

Minister Presidente a señala cu e aña aki gobierno kier consolida tur e esfuerzonan di  e Plan di Crisis Social den famia y den cuido di nos muchanan.

“Nos a enfoca e ultimo añanan den e desaroyo economico, financiero y energetico di nos pais, y enberdad den hopi aspecto nos pais a progresa; sinembargo nos tur sa cu no tur loke ta briya ta oro, y nos a ripara cu e ser humano, e famianan a wordo neglisha” Minister Presidente a remarca.

“Nos a cuminza aña pasa treciendo loke nos ta yama e cambio husto, pa haci un reparticion mas husto di e peso di belasting pa tin mas hende cu por tin mas placa den nan man, fin di luna”, Premier Wever-Croes a agrega.

El a sigui bisa cu e aña aki, gobierno ta mire como e aña di recuperacion. No solamente di indole financiero y economico, pero den restauracion di e aspecto humano y familiar.

“Nos a drenta aña 2019, cu ta e aña cu nos kier fortifica e fundeshi familiar, y e balornan universal cu ta haci nos famianan fuerte, cu ta e base pa nos amistadnan, pa colegialidad na trabao”, Sra. Wever-Croes a expresa.

- Advertisement -

DUNA COMENTARIO

Please enter your comment!
Please enter your name here