Home Parlamento Presupuesto supletorio 2019 a cuminza cu tratamento di Crisis Plan Social

Presupuesto supletorio 2019 a cuminza cu tratamento di Crisis Plan Social

69
0
SHARE
- Advertisement -

Presidente di Parlamento mr. Thijsen:

ORANJESTAD (AAN) – Algun parlamentario a wordo entrevista pa nos redaccion, relaciona cu e tratamento di e presupuesto supletorio, cu a keda aproba Dialuna anochi laat.

Na prome lugar a entrevista Presidente di Parlamento sr. Thijsen ken a elabora riba e necesidad di a keda cla cu presupuesto supletorio 2018 prome cu drenta den materia di presupuesto 2019, y el a menciona tambe e schedule pa trata esaki.

Asina mr. Ady Thijsen a bisa cu keda te laat ta un decision cu a wordo tuma entre tur e lidernan di fraccion, pa keda te laat, pasobra a trata di e presupuesto supletorio 2018 y no tabata na su lugar pa cuminza trata presupuesto 2019 sin cu e supletorio 2018 lo a keda cla.

Berdad e tabata un sacrificio, pero e ta hopi contento cu por a logra.

El a expresa cu semper ta hopi druk pa Parlamento tratamento di presupuesto na December, y nan semper ta bisa gobierno cu nan kier e documentonan tempran, pa asina por planea bon y duna tur parlamentario oportunidad pa nan haci nan pregunta, y hiba un debate bon y sano.

E presidente di Parlamento a menciona cu e presupuesto 2019 a cuminza Diamars cu tratamento di e Crisis Plan Social hunto cu e begroting di Minister Glenbert Croes cu ta encera e ministerionan di Asunto Social y Labor.

No obstante e parlamentarionan no a haya mucho tempo pa haci pregunta toch ta un tema cu nan ta conoci cune caba. Diaranzon lo sigui cu Minister di Infrastructura y Medio Ambiente sr. Otmar Oduber, Diahuebs lo tin Minister Dangui Oduber, titular di Salud Publico, Turismo y Deporte, Diabierna ta Minister di Husticia mr. Andin Bikker; Dialuna otro siman lo tin Minister di Enseñanza sr. Rudy Lampe y ademas Minister di Transporte y Sector Primario sr. Chris Romero.

E dianan siguiente lo tin Minister di Finanzas, Economia y Cultura y Minister di Asunto General cu ta carteranan grandi y despues lo tin un dia mas pa pasa tur mocion y amienda pa despues vota pa e ley.

 

- Advertisement -

DUNA COMENTARIO

Please enter your comment!
Please enter your name here