Home General Cayanan di San Nicolas ta wordo teroriza den man di gangnan peligroso

Cayanan di San Nicolas ta wordo teroriza den man di gangnan peligroso

943
0
SHARE
- Advertisement -

Na Unda FLEX TEAM a keda pa ruim op de boel

ORANJESTAD (AAN): Varios persona a bin dilanti cu keho. Tin persona cu a ser maltrata pa e gangnan aki, hasta keda 2 luna den coma.

Cayanan di San Nicolas ta ser teroriza tur dia den man di gangnan cu ta sumamente peligroso y agresivo.

Ora cu ta purba di yuda e pueblo y comercio di San Nicolas pa bay dilanti, e gangnan aki ta sigui hinke den mas den deterioro. Con e area aki por bay ofrece turismo, hotelnan  y otro negoshi, si e ta asina peligroso y insigur hasta pa nos como local.

Mester eradica e gangnan aki. E gang a bira hopi conoci caba – nan ta para den grupo masivo patras di caya principal  y den zijwegnan-  ( cerka di BSL laundry ) asina warda  victima nan y den  grupo masal di mas di 30 homber y muher ta agredi, abusa, y maltrata hende.

Varios persona a cuminsa ‘ durf ‘ denuncia esaki a pesar di e amenaza y intimidacion cu nan ta ricibi di e miembro nan di gang.

Tin ciudadano  cu a ser persigui pa e gang te nan cas, y wordo amenaza y maltrata den nan propio cas, pasobra a hasi denuncia.  Pero Polis ta yega y ningun  gang no ta wordo cera.

E gangnan  ta para den nan diferente gang di mas di 30 persona den varios skina , caya of bou palo- nan ta parkeer nan auto full rond di e ciudad y ta teroriza hende cu pasa. nan ta hasta para meymey di caya, pa obliga bo para bo auto y asina ataca e choffernan y horta nan.

Un persona a comenta, cu e tabata cu su pareha, ora di parkeer a dal den un auto, y asina mas di 50 miembro di e gang a bin riba dje y su pareha. Nan ta homber y muhernan hopi jong, mayoria ta Rasta – (cu e cabey largo casi yega nan pia). Nan ta masha agresivo, y ta  gara hende na garganta,  choca nan, kibra nan auto tambe.

Mester pone atencion urgente na e fenomeno aki, cu a crece hopi- y piki tur e hendenan aki for di caya, limpia e cayanan di Aruba, pa nos isla no bay crea fama di ta un isla peligroso mas den Caribe, manera hopi otro.

 

- Advertisement -

DUNA COMENTARIO

Please enter your comment!
Please enter your name here