Home Social Comision Hindu cu donacion pa Pasadia Bibito Pin

Comision Hindu cu donacion pa Pasadia Bibito Pin

44
0
SHARE
- Advertisement -

ORANJESTAD (AAN) – Manera ta conoci e Comunidad Hindu di Aruba tin un Comision, cu ta aporta hopi na comunidad di Aruba, y specialmente nan ta yuda Institutonan cu berdaderamente mester di ayudo, y un di nan a haya un donacion di dos television. Esaki ta Bibito Pin.

Durante e fin di siman aki nan ta bay bishita e distrito di San Nicolas, pa yuda algun famia cu mester di un man generoso. Nan ta colecta sea fondo of ta colabora di otro manera, pa brinda nan esaki.

Presidente di e Comision a duna nos Matutino e relato aki, y a comenta cu esaki ta un manera con nan ta lanta na India. E luna di November mes nan ta celebra nan Pasco y Aña Nobo, y semper den e luna aki nan ta duna algo bek na comunidad y den futuro nan tin pensa di haci ainda hopi mas.

E dama a gradici e Presidente di e Asociacion, ken el a comenta cu ta un persona cu hopi bon curazon, y tambe tur e demas miembronan, pa e bunita gesto aki, mustrando cu nos muchanan special di Aruba tambe ta conta, y cu nan ta wordo teni na cuenta pa comunidad.

Bibito Pin ta un Fundacion y como tal nan ta draai riba donacion, ya cu manera tur fundacion, nan no ta haya mucho placa di subsidio y pesey semper nan porta ta habri pa ricibi ayudo for di comunidad mes. No mester ta cosnan grandi, tur cos ta yuda semper.

Seguidamente, e cabesante di Pasadia Bibito Pin, ken a mustra hopi contento pasobra un gesto asina no ta algo cu ta bin tur dia. E presidente di e Comision Hindu, conoci como señor Johnny, tin contacto cu Bibito Pin y semper e ta acerca y trece algo  sea cupcake, donuts, juice, pa e clientenan.

Recientemente, el a bishita e Pasadia puntra nan si nan mester di algo, y casualmente nan tin dos television cu a daña completamente, cu ta algo cu ta haci nan falta pasobra nan ta haci hopi uso di dje pa e clientenan, tanto den aspecto educativo como recreativo.

 

- Advertisement -

DUNA COMENTARIO

Please enter your comment!
Please enter your name here