Home Social Celebracion Multi Cultural “Festa Sao Martinho” na Club Primavera

Celebracion Multi Cultural “Festa Sao Martinho” na Club Primavera

43
0
SHARE
- Advertisement -

Diasabra awor 10 di November

ORANJESTAD (AAN):  Fiesta di San Martin ta un fiesta tradicional Portugues cu ta wordo celebra como e dia di biña nobo, esta dia di purba e biña Portugues. Un fiesta cu ta conoci y ta wordo festeha en grande na e distrito di San Martin situa na costa sur oeste di e capital  di Madeira cu ta Funchal.

E fiesta di San Martin ta un fiesta principalmente celebra na Portugal y  Madeira na luna di November. E fiesta aki ta presenta diferente tradicionnan Lusitana cu ta wordo festeha cu baile portugues, cumindanan tipico y sin laga afor e “tasting” unda ta purba e smaak di e biña portugues cu ta wordo cosecha durante e aña.

E fiesta di San Martin ta asocia cu un bon esfera di convivencia y di solidaridad reforzando e lasonan di amistad entre amigonan y famianan. E Santo “patrono” di e produccion di biña e dia aki ta San Martin. San Martin tabata un soldad romano, cu riba un dia hopi friu  e la encontra un ambulante riba caya cu tabatin hopi frieu  y tabata sinti malo y e ambulante a pidi’e yudansa.

Como un bon soldad Martin a kita su capa y a duna e ambulante  pa protehe di e friu. Di e momento ey diripiente e frieu a bay y e ta cuminsa bira mas calor y enberdad  t’asina  ela sosode.

Celebracion Cultural Diasabra 10 di November  2018 

Na Aruba tambe nos ta celebra e dia aki en grande e aña aki riba Diasabra 10 di November 2018 na Fundacion Social Cultural Portugues mihor conoci  como Club Primavera of Club Portugues.

Directiva actual ta preparando e fiesta tradicional  aki cu masha entusiasmo y ta celebra e fiesta e aña aki un poco multi CULTURAL . lo bay tin presentacion di

Grupo Folclorico di Peru TAKIRI PERU, Grupo Folclorico Cultural Dominicano Aruba y Grupo Dabaruda Aruba y Grupo Folclorico Primavera y acompana di Banda Musical Primavera cu lo tey presente for di Venezuela Sra Fatima da Silva Gomes cu su musica di accordion.

Cuminda y Bebida nan tradicional Portugues

Como parti di celebracion aki no por laga afor e cumindanan tipico, y tradicional Portugues  lo bay tin oportunidad pa  purba e plato principal Madeirense cu  ta e “Espetada Portuguesa”, acompaña cu dushi  pan “Bolo do Caco”,  tambe  “Bacalao a Portguesa”, sopi tipico portugues esta  E “caldo verde”.  Y pasaboca dushi manera “Bolo de mel” y “Broas”. Cada país tambe lo ta presente cu cosnan dushi pa bende

Invitacion

Directiva ta extende un invitacion personal  na henter e  COMUNIDAD RESIDENCIA AKI NA ARUBA pa pasa Diasabra awor November 10 na Club Primavera y celebra e gran dia di San Martin den forma MULTI CULTURAL cu lo cuminsa pa 7or di anochi  cu parti di purba cosnan dushi y cuminda y Show lo cuminsa pa 8or di anochi. MAS CU CLARO ENTRADA TA COMPLETAMENTE  GRATIS ¡!!

- Advertisement -

DUNA COMENTARIO

Please enter your comment!
Please enter your name here