Home General Troonrede a respira pa Hulanda masha optimismo

Troonrede a respira pa Hulanda masha optimismo

99
0
SHARE
- Advertisement -

ORANJESTAD(AAN)—Apesar di algun critica aki y aya na Hulanda riba e Troonrede cu Rey Willem Alexander a lesa ayera mayoria di hende sigur ta contento cu loke nan a scucha di e fuerte cu Hulanda aparentemente ta economicamente, locual ta un muestra di optimismo cu e palabranan a respira..

E Troonrede a menciona entre otro cu riba momentonan di conmemoracion manera esaki, nos ta realiza con fuerte es pais ta  cu nos a construi. Fuerte den termino di progreso, den emprendimento y seguridad di existencia.

Fuerte debi na e balornan democratico cu ta ancla den nos estado di derecho; igualdad, tolerancia, libertad y certeza huridico.

Y Hulanda ta fuerte debi na disponibilidad di cuido, enseñanza y un dak riba cabez,

Asina e historia despues di guera ta conta di progeso y mehoracion. Apesar di periodonan di recesion e direccion ta ariba y dilanti. Gobierno kier haci e pais fuerte aki mihor ainda. E condicionnan econimico pa esaki ta presente.

Na 2019 economica lo crece pa di seis aña sigui. Ta wordo spera cu e entrada nacional e aña venidero lo crece cu 2.6 porciento y cu e saldo positivo riba presupuesto di reino lo ta di 1 porciento. Esaki ta haci cu e debe estatal lo ta mas abao y cu Hulanda lo ta mihor prepara pa shocknan economico den futuro. Desempleo ta baha te na un nivel historico di 3.5 porciento. Cu esaki e momento a yega pa scoge un direccion nobo. Pa haci scogencia cu ta ofrece espacio y seguridad awor y pa generacionnan cu ta sigui.

Mas hende mester ripara concretamente cu cos ta bon; na cas, na trabao y den bario. Hende mester por sinti tambe cu politica ta pa tur hende.

Tin preguntanan: nos tur y nos yiunan por sigui conta riba bon cuido, un cas cu por paga, un trabao, bon enseñanza, un bario sigur, un ambiente limpi pa biba y un bon pension?

Tin ademas e pregunta cu no ta haya den e mashine di calcula: na Hulanda nos ta biba suficiente cu otro y no mucho band’i otro? Un pais keto bai mihor no ta simplemente obvio, pero  ta exigi mantencion permanente y renobacion. Confianza den futuro ta trabao den ehecucion.

Construi den un sociedad cera ta concerni nos tur. Proporcionalmente hopi cos ta bay bon. Hulanda ta un pais di bountario, misanan y organizacionnan cu ta bini hunto ora di prestacionnan deportivo particular  y dianan di fiesta nacional. Unda no ta bay bon , gobierno kier tuma accion”, ta para entre otro den e Troonrede lesa pa Rey Willem Alexander ayera, relaciona cu Hulanda.

- Advertisement -

DUNA COMENTARIO

Please enter your comment!
Please enter your name here