Home Gobierno Ley di Parke Marino ta na Raad van Advies

Ley di Parke Marino ta na Raad van Advies

38
0
SHARE
- Advertisement -

Minister Otmar Oduber a anuncia:

ORANJESTAD (AAN) – Dialuna Gobierno a tene su prome conferencia di prensa semanal, na encargo di Minister Otmar Oduber, titular di Infrastructura y Medio Ambiente y di Minister Glenbert Croes, encarga cu e carteranan di Labor y Asunto Social.

Minister Otmar Oduber a hiba palabra na prome lugar, y hunto cune tabata tey  tres funcionario di Departamento di Naturaleza y Medio Ambiente, cu a haci un presentacion di nan website.

E dignatario a indica cu comunidad por a tuma nota cu durante e ultimo lunanan hopi atencion a wordo dedica na e maneho integral di nos medio ambiente y e nota cu a keda entrega y publica recientemente, y cu a wordo presenta tambe na New York, recientemente, durante e foro di Nacionnan Uni y ademas,  na e Secretario di Estado di Hulanda, unda a combersa, negocia y discuti riba diferente punto cu tin den e rapport aki. Durante e conferencia di prensa DNM a haci un presentacion di e website informativo aki, pa nos comunidad.

Den e mesun contexto di medio ambiente, Minister Otmar Oduber a informa cu na e momentonan aki, e ley di Parke Marino ta na Raad van Advies.

E mandatario a señala cu Parke Marino tabata un topico prome cu Parke Nacional Arikok mes a wordo institui. Pues, Parke Marino a keda un discusion cu tin mas di 30 aña ta andando, y como minister anterior di Turismo, na añanan 2010-2011 e tabata tin e honor di por a traha y contribui na e desaroyo di un ley cu ta acapara un Parke Marino pa Aruba, y durante e ultimo añanan DNM hunto cu otro partnernan a traha na un forma hopi fuerte riba esaki.

E mandatario a expresa cu nan tur a duna un empuhe hopi fuerte tras di esaki y el a felicita y gradici henter e team, cu aworaki e ley ta na Raad van Advies.

Minister Otmar Oduber ta spera cu ora e recess di Parlamento caba e ley menciona por bin bek y di e forma ey por publike oficialmente, y cuminza cu e proceso di consulta hopi estrecho cu tur e usuarionan, y esnan cu ta bay haci uso di nos lama y e areanan cu ta bay wordo incorpora den e Parke Marino.

 

- Advertisement -

DUNA COMENTARIO

Please enter your comment!
Please enter your name here